أنا صفر سبعه

يالله سألتك يـــوم للنـــاس رجعـه
تغفر ذنوبي وتجعل لي قبول وشفعه
بعض الخلايق سبني صفر سبعه
وانا افتخر واعتز في صفــر سبعه
الفـــاتحه ابدأ بـــها كـــل ركعــه
وآياتهـــا ياوافـــــي العقـــل سبعــه
تلاوة القرآن في الأصــــل سبعه
وابواب تعذيبه في الحشـــر سبعــه
والله جعل ايــام الاسبوع سبعــــه
والأرض سبعه والسماوات سبعــه
وابدأ نهـــاري بتمــــرات سبعـــه
واطوف حجي على البيت سبعـــه
واسعى لطاعة منزل الوحي سبعه
وارجمك يالشيطان باحجار سبعـه
نسجد لباري الكون بأعضاء سبعه
واوتر لرب العرش في الليل سبعه
وعجايب الدنيا في الأرض سبعه
ومعلقات البــــدع والـعرش سبعـه
الجاهل اللي سب اصله وفرعه
واللي جعل مــن الحقد فنه وطبعه
ماسبني الا طامــــع فيـــه طمعه
للصيت يسعـــى بين اهله وربعــه
حنا شيوخ الأزد فــي كل بقعــه
أهـــل الكرم والجود شيمه وفزعـه
من رامنا بالشـــــر ينثر جمعه
لطـــامة الغـــاوي نبــادر بردعــه
مربي الأسد والنمر صفر سبعه
وحنا لنا في الحرب صوله وصرعه
نعمر بيوت الله فرضا وجمعه
ونسبحــه فــــي كل سجده وركعــه
وحنا جنود الفهد شوفه وسمعه
نسمع لقوله وفــي الحــــرب درعه

منقول