للمراهقات فقط

موضوعي اليوم عن المراهقة..يمكن انتوا نفسي يضيق خلقكم اذا احد ياب طاري المراهقة..او تتضايقين اذا احد قالج انتي مراهقة..اليوم رحت سألت امي قتلها:يمة متى تنتهي فترة المراهقة؟؟..صرخت علي وقالت:شالخرابيط اصلا ماكو شيء اسمه مراهقة هالغرب اهمه اللي طلعوا المراهقة لا تكلمون الياهال بعدين يتعقدون لا تكلمون المراهقين بعدين يتعقدون اشوف احنا ما تعقدنا.. طبعا انا اقول بنفسي يا ليتني ما تكلمت.. هذا طبع امي كل تصرخ علي وتزفني..عشان جذي لو اتضايق مستحيل افكر مجرد تفكير اني الجأ لأمي..المهم..نرجع لموضوعنا..ابيكم اليوم كلكم تقولول لي عن مراهقتكم..شنو مشاعركم في هذي الفترة؟؟.. تحسين انج غير عن الناس بهالفترة؟؟..تحسين انج وحيدة ومحد يفهمج؟؟..تحسين انج داخلة عالم يديد عليج ما تعودتي عليه؟؟..
تكلمي وقولي كل اللي بقلبج وانا بسمعج وبفهمج لني مراهقة مثلج..

مثلا..

انا بقول اول شيء..

-احس اني وحيدة واني داخلة علام يديد صرت افهم اللي حولي عدل وافهم الناس عدل صرت اعرف افصل شخصيات الناس وافهم هموم الناس ومشاكلهم واعرف اتصرف بالمواقف الصعبة واعرف اواجه واتكلم وادافع عن الحق بس احس ان محد راح يفهمني ويفهم مشاعري ومحد راح يساعدني بهذا العالم الغريب واحس محد يفهمني الا صديقاتي لانهم عايشين تقريبا نفس مشاعري ومادري اذا انتوا نفس الشيء ولا لأ؟؟..

بانتظار ردودكم يالغالين..