تعالوا شوفوا شسوت فيني المراخه

شحالكم ربكم بخير؟:)

طولت السالفه وهي قصيره ادخل في الموضوع 😆 🙂

بنات انا قريت موضوع نجمة الليالي ووعدت اني بنزل تجربتي وهذا انا اوفي بوعدي

انا كان عندي كيس على المبيض جهة اليمين سايزه 4 ورحت الطبيبه قالت لي بعطيك بخاخ وبينزل مع الدوره لان حجمه صغير بس اختكم من زود اللقافه ما استخدمته راحت للمراخه وكانت فيني الدوره وانتوا بكرامه ومرختني ثلاث مرخات والله يا خواتي تم الدم يهد شهر كامل وكل ماكلمتها قالت لي تنزل عليج قطع اقولها اي قالت اي هاذا هو الكيس وانا مصدقه بعدها رحت الطبيب سوو تلفزون قالوا لي فيج كيس على المبيض اليسار سايزه 6ونص 😐
ولازم منظار وبعد اختكم الذكيه راحت للمراخه ومرختني ثلاث مرخات وتم الدم يهد وانتوا بكرامه بشكل مو طبيعي قطع واكلمها وتقولي زين هاذا الكيس ينزل

وانا على هالحال من 26فبراير لين 1 ابر يل والدم يهد وانا اقول الكيس ينزل 🙂

وفي يوم صحيت من النوم بالم فظيع وانتفاخ في البطن وعلى طول رحت المستشفا قالت لي الدكتوره الكيس كبران ومقرب يلتف على المبيض عاد اناقلت للدكتوره كل السالفه وقالت لي تحملي من المراخه هذا الكيس بقا يلتف على المبيض ولو متاخره ايام اضطرينا نشيل المبيض اعوذ بالله وقالت لي على طول بنسوي لك منظار وانا الحين شلت الكيس والحمد الله بس بطني للحين منتفخ وقاعد يخف شوي شوي وهاذا كل اللي صار 😳

يافراشات حذروا من المراخات كل شي الا مسال الحمل والارحام لاتدخلون المراخات فيها تحملوا حذروا وبلغوا كل من تحبون لاني احبكم قلت لكم الللهم هل بلغت اللهم فاشهد

ادعوا لي بالشفاء واني احمل انا وجميع المسلمات 😈