ஐ أحــلى الأماسي من خفوقي تمسيك ஐ

أحلى الأماسي من خفوقي تمسيك ..
لا طاب ليل بالسهر في وصالك ..
زود الغلا من خافقي اليوم بعطيك ..
واعطيك روحي بس يرتاح بالك ..
عيني تحت أمرك تهل وتسليك ..
كل المشاعر في حياتي فدالك ..
أطلب تدلل يا”رفيقي” وبعطيك ..
إنت الغالي وغلاك فطره بحياتي ..

أبيك اليوم يابايع ولو لحظات تسمع لي ..
علشان اوضح لأمثالك بأني شخص مو عادي ..
أنا ما جيت ابي قربك ولا أبي إنك تشفع لي ..
أنا أكبر من أمثالك وقلبي يعشق عنادي ..
أنا لا زادت همومي أبد ما أبيك تفزع لي ..
أعالج نفسي بنفسي وأحصل بيدي مرادي ..
أبيك تشيل من راسك بانك راح ترجع لي ..
ولا أبي تتصل فيني ولو في يوم ميلادي ..
كثير اللي غلط قبلك وجاني تالي يركع لي ..
وأنا ما أحب من يركع لغير الخالق الهادي ..

أبي منك وعد ياخل !
اذا لي في دنيتك قيمه:
تسكني وسط قلبك
( تسكنــي أنا لحالــي )
وتحبني مثل ماحبك
( وأكون في دنيتك غـــالي )
مابيك تجرحني أبد
ومابيك تقسى وتبتعد
هذا وعد ؟!
رد علي هذا وعد ؟!
وأنا انتظر كلمة وعد ؟

“أمــــــــــــــــانه” يوم توصلك
الرساله “تبتســـــــم” لجلي ..
ترى منهو فقد مثلك تعب من كثر هوجاسه
وش الدنيا بدون أشخاص مثلك ؟!
فكر وقلي ,,
تراها في نظر منهو يعزك
حيــــل “منداســـــــــــــه”

أقضي أيامي غريق بوحدتي
مركبي ذكرى وأحلامي شراع
في بحر شوقي بواصل رحلتي
لين أواجه من ترك قلبي ولاع
إن كتب ربي في بحوره موتتي
لي رجا لا تدفنوني وسط قاع
لكن ارموا عند بابه جثتي
وأكتبوا :
( مشتــــــاق حاول ما استطاع )

( لبيــــــــه )
لشوقك مشتاق
هيضت قلبي يابعد كل حالي
وإن كنت لي مشتاق
فأنا لك مشتاق
وانا على شوفتك أعد الثواني
يالله ياللي ترجاك ما خاب
إنك تحفظه من صدوف الليالي

أعاهدك بالله أبقى أحبك
أعاهدك باللي زرع ودك
أصون حبك
أوعدك ما أتخلى عنك
أوعدك ماأخيب ظنك
وأبقى أحبك
أنا عايش بس عشانك
ولا أرضى أبد بدالك
أنا أحبك
هذا قلبي كله حلالك
وروحي بعد تفدالك
والله أحبك
أعاهدك ما أنسى هواك
أعاهدك ما أبغى سواك
لأني أحبك

لو يتوب القلب عنـك مـا اتـوب
حاظر بفكـري وحسـي يسمعـك
يكفي اني لا ذكرت اسمـك اذوب
انثـر حروفـك بقلبـي واجمعـك
لو يكون الذنب في حبـك ذنـوب
والله اني لأعشـق ذنوبـك معـك

مسكين قلب تولع يكتم أسراره
فيها الوله والشوق والنار ساجنها
مهما يخفى جروحه تفضحه ناره
قصة عذاب بوناته يلحنها
عذاب اللي بدا بالحب مشواره
يشرب خمر المحبة لين يدمنها

أنت عمري لو فقدته ما بقى لعمري وجود
وين أروح بكل حبي وأنت لأوطانه أمان
مال حبك يا عيوني في طرف عيني جحود
لو نسيتك مابقى لي وسط هالعالم مكان
لوبرق شوقك ينادي جاوبة شوقي رعود
أنت كل الناس عندي يابعد كل الزمان

:
: