مرت اخوي والشغالة ضحك في ضحك

مرت اخوي والشغالة

——————————————————————————–

مرت اخوي والشغالة
السلام عليكم
من العنوان بتقولون وش عندها بدور…
المهم عندي لكم..قصة… زي الفل… معليش طويله

تخيلو لو تجيكم شغالة..زي اسم احدعندكم..في البيت… وش تسوون؟؟؟؟
لا تنسوون شي اسمعو ذي القصة…بس لو تطفون النت شوي افضل علشان الخساير ههههه تحب الاقتصااااااد… مع القصة………..

جلست أمي تصارع في المطبخ اكثر من اربعة شهور مابين قدر وصحن وكاس وتنظيف وترتيب الصالة والغرف واخواتي الله من العجز تقل يمشن على بيض !! لدرجة ان امي اذا جت نلقى القدر ناشب في شيلتها والا اذا راحت لعزيمة وحكت راسها طاح من شعرها ملعقة !! المهم ماعلينا من هذي المعاناة …. نقولكم الزبدة !!
اتصلوا علي مكتب الاستقدام وقالوا ان شغالتكم السيريلانيكية وصلت وروحوا للمطار واستلموها !! فرحت امي مررررره وضحكت ضحكة بينت ضروس العقل .. مبسوطة……اميمتي….
وصلت الشغالة بحمد لله وسلامته بعد معاناة انتظار دامت اربعة شهور … وقالت امي هاه عاد وش اسمتس !! قلت يمه اسمها سلمى سياتورني قالت سلمى هاااو ( كلمة تعجب واستنكار وشجب يستخدمونا العجز ) والله بتزعل مرة اخوك اذا رجعت من السفر…وانا امك وش السواة !! قلت يمة تتوقعين عاد ترد عقلها لهالامور .. لاتصيرون حساسين….راحت الايام .. وياسلمى جيبي الصينية .. ياسلمى صلحي القهوة … ياسلمى نظفي الصالة .. يا سلمى كنسي الدرج !! وتعودنا على هالاسم وخذنا عليه … لين جت مرة اخوي في البيت
دخلت علينا وسلمت على امي وابوي … ومرت الشغالة من الصالة وجلست امي تشر لها بيدها ( روحي .. روحي .. روحي ) ولا احد يشوف حركة يدينها وكانت امي مكشرة وتخاف ننحاس وهذي اول زيارة لمرة اخوي !!
فجأة !! قال ابوي الملقوف … ولا هيب عادته .. سلمى !! قالت مرة اخوي .. سم ياعمي !! قال .. لالا مهوب انتي .. وجلست امي تضربة بمرافتزها وتقبصة .. وتتنحنح ولا فيه فايدة .. وقامت من زود القهر وكبت على رجل ابوي القهوة حااااااااارة بس كلها تبي تصرف الموضوع !! صرخ ابوي وقال .. اااااااااااي وجع ان شاء الله ماتشوفين !! تعالي ياسلمى نظفي القهوة المنكبة وجيبي معتس التمر السكري من المستودع !! قالت مرة اخوي وهي مستغربة من الميانة بهالدرجة عليها !! قامت وقالت أبشر ياعمي …. !! قال ابوي .. لالا مهوب انتي الشغالة سلمى شغالتنا الجديدة .. وجلست امي تحقرص وتقول واهـ ياخزياه !! قامت مرة اخوي من الجلسة وقالت بصوت عالي !! يا سعود تعال أبغاك ( سعود اخوي الكبير ) قام وهو وجهة احمر واصفر والمسيكين…مايدري..وين يودي وجهه…!! قالت له وبصوت عالي .. شفت الاستقبال والاهانات مسمين الشغالة علي !! بالله ممكن تقولي وش تقصد خالتي بهالحركة !! ودها تغيضني والا تطفشني والا بتموتني ليه !! انا قايلة لك من زماااان خل نطلع لبيت بروحنا بس ماتسمع أصمخ !! وطرررررررق صكت باب الغرفة وجلست تصيح !!
نزل اخوي منتفخ .. وقال يالله عاد وش الدبرة !! الشغالة هذي لازم نسفرها والا زوجتي مهيب جالسة في البيت !!
راحت مرة اخوي لبيت اهلها زعلانة …. والله مالنا الا نسفر الشغالة ونرضيها وفعلا سافرت الشغالة سلمى هههههههههه وقدمنا من جديد على شغالة ثانية ومن ضمن الشروط اللي كتبناها :
1 – مايكون اسمها سلمى ولا يتكون اسمها من حرف السين او اللام او الالف المقصورة
2 – تسمح لنا نغير اسمها على كيفنا ولا تعترض زي سلمى !!
وفي هذه الاثناء رجعت مرة اخوي وجلست معنا طبيعية وارضاها حلنا !! وطيحت اللي في راسها !!
المهم انطقينا اربعة اشهر زي الاولى لين جانا الفرج !! ووصلت الشغالة الثانية ودخلتها على امي وكانت جالسة تتابع تمثيلية مصرية …. عاد هي مولعة بالتمثيليات المصرية وكانت منفعلة مع احاث المسلسلة وجت وجلست عندها مرة اخوي تتقهوى معها !! دخلت الشغالة … وسلمت عليهم وامي كانت مشغولة بالتمثيلية ولكن من هول الفرحة بوصول الشغالة قالت لها : هاااه ايش اسم انتي : قالت الشغالة : انا أسم مريم !! صرخت مرة اخوي بوجه امي والشغالة وقالت …. بعد بعد .. انتم ياخالة متعنين تجيبون الشغالة على أسم امي !!!!! كل هذا بتغيضوني !!! وقامت وراحت تصيح لغرفتها !!
وقامت امي تصيح,,,,يا سوير…… تعالي ..بسرعة
جيتها اركض …من الدرج بغيت اجي على وجهي
قلت خير يمة وش فيه…قالت…فيه مصيبة طلعت لنا….والله اني حاسة ان ام حصة نظلتني…ومعطيتني العين في الشغالاتي.. من يوم ما قالتي والله يام سعود شغالتكم يهبلن وانا محتاسة…
قلت لها وش صاير يمة روعتيني…قالت نسيت اقولك ان الشغالة طلع اسمها زي اسم ام مرت اخووك !!! يافلبي قلبااااه..طرررردب طرررردب وطحت من على الكنب وانا ماسك قلبي !!
وفي الختام لكم مني أحلى سلام … واتمنى انها تعجبكم واقول لكل حرمة وبنت انها تكبر عقلها ولا تلتفت للامور الصغيرة وتجعل من الحبة قبة !!
بين الحماة ومرت الولد
اختكم بدور 2006….. ..