عالم البنات النسائي كل ما يخص المرأة العربية من ازياء وجمال والحياة الزوجية والمطبخ
موضوع وحبيت الكل يطلع عليه عضوة بالفرآشه أو من اللي يوطوطون من خآرج المنتدى
حيآكم الله ويآهــلآبكم
مافي احد منا مآيحب فعل الخـير
موضوعي عن الصدقه لو بتكلم ماخلص من عجائبها وأكيد الاغلبيه عارف عن مفعولها العجيب
اللي غير حال النآس وهذا من رحمة ربي علينا
قال صلى الله عليه وسلم ” صدقة السر تطفئ غضب الرب “
اخذيها قاعدة عندك اذ طلعتي برى البيت للسوق او منتزهـ آي حته في الدونيآ أي مكان عام راح تصادفين انواع واشكال من الناس ومن بينهم خلق الله عمال النظافه (اللي نسميهم بلديه 
يكسرون خاطري وضعهم وشغلتهم اللي مايتعدى راتبهم 200 ريال 
في برنامج خواطر شاب اللي ماتعرفه هذا توقيته ~> يعرض في رمضان ع قناة mbc وقناة الرساله
انصح الجمييييع بمشاهدته انا من اشد المعجبين بهالبرنامج والقائمين عليه واولهم أحمد الشقيري ~> تحيه للشقيري
مستحيل اطوفه ع امل يوعي الامه اللي تغط بسبآت عميييييق
ماقدر اوفي حق هالبرنامج من كلاااام
نرجع للموضوع يابعد تسبايدي
اشتري (مويه /بيبسي / عصير ~> حاقه صئعه بالمصري
وحطي معاها 10 ريال او 5ريال اللي تجي معك ان شاء الله لو ريال وانوي نيه الصدقه فيها
ولكل كبد رطبا اجراً
ومديها ع عامل النظافه
بتسعدينه وتسعدين نفسك وقبلها تسعدين ربك وتاخذين اجر هالمسكين
لايجي في بالك انه كافر ومايصلح اتصدق عليه الله سبحانه شرع لنا الصدقه بااااس ماحددها كم ولمين ومتى …!
وماتدرين يمكن بسبب هالعمله تدخلينه في الاسلام بعد تشوه الاسلام والله انه اصبح كالطير المقصوصه جانحيه ويمكن اشد بعد الله المستعان
اقولكم ع سر انا بديت التزم بهالشغله واللي حطتها في بالي خالتي الله يسعدها انصحتني فيها وبعد ماشفتها تعطي عامل النظافه
(المفروض صدقه السر ماتعلمين فيها احد وانا كتبت تجربتي من باب التشجيع وفعل الخير والاهم آخذ الآجر )
فعلآ يكبر بعينك اللي يسعى للخير
بالاول ماجو ابددددآ في بالي كنت اشوف الحريم ( الشحآذه)
اللي قدام المجمعات والسوبرماركت ومكائن الصرآف ترحمين حالهم والاغلب طلع كلام عنهم اللي يمول للارهاب واللي تكون صاحبة عماير ….الخ
بس شغله الطرارة طببببببع حتى لو امتلكت الدنيا كلهآ وابو طبيع مايجوز عن طبعه
ابرئ ذمتي ومااندري عن النفوووس
وأكيد كثير مثلي بس حبيت انبه لفئه العماله ياليت نعطيهم نصيب مثل مانعطي هالحريم
وحطي في اعتبارك ماترجعين للبيت والا أنتي منتهيه من هالشغله
وحطي في بالك كل طلعه خصصي مبلغ للفئه المحتاجه اللي انتي تشوفينها بعينك
والاحلى لو تحطين لك حصاله في غرفتك وتدخلين عليها كل اسبوع ريال ريالين ثلاث
ولو تدورين هالحصاله عالعائله الكريمه وكلن واستطآعته وبأخر الشهر وزعيها ع المحتاجين
ولاننسى بعد شغالة البيت فرحيها بحاجة جايبتها لها من السوق
وهذي من باب تفريج الكرب ويااابختك فرجتي كربه انسان محتاج
ولو بتسوينها بشهر الخير بيتضاعف اجرك اضعااااااف
الصدقه انواااعها كثيررررررررررة عدي واغلطي
حتى شرب الماء صدقه
حطي في الحوش حوض فيه مويه للعصافير والحمام 
ويازين شكل العصفور وهو يوطوط راسه يشرب
وبعدين حنا الحين بالصيف وخليها هالمهمه عليك لا تتكلين ع احد بيصير كأنه دوام لك تتسلين
أو حطي ع دريشه غرفتك وعبيها كل يوم بس مو تمسكين العصيفير وتعطينه خوانك بيطلق بالثلاث اذ رجع لدريشتك هع 
وســـلامتكـم هذا اللي بخآطري قلته لكم
وان شاء الله رسالتي وصلت لكم
الموضوع من بنات دمآغي بواقع تجربتي انا ملووووك 😀
،‘
اسئل الله العظيم رب العرش العيظم ان يعننا ع الخير كله عاجله وآجله ماعلمنا منه ومالم نعلم
والله يبلغنا رمضان ويعننا ع صيامه وقيامه 
:
:
يلآ تشـــآووو
