زوجي وأطفالي وبيتي

أنا متزوجة من 3 سنين وعندي بنتين ، مشكلتي اني صرت حاسه انو الحياة روتينية لدرجة الملل ، راح ابدا معكم من البداية :
ـ مع انو مدة زواجي قصيرة ، بس انا صرت منتقلة للبيت الرابع ، يعني كل سنة في نقل ، وهادا الموضوع كتير متعب ، لإني بمجرد ما ابدا اتعود على البيت وأحس بالاستقرار زوجي بقرر ينتقل لبيت تاني ، بس حاليا ما عم يفكر لإني من خمس شهور بس نقلت .
ـ تاني شي انو بناتي اعمارهن متقاربة ، الكبيره سنة و7 شهور ، والصغيره 5 شهور ، يعني بدهن اهتمام كبير وماخدين كتير من وقتي .
ـ وأكتر شي متعبني انو بنتي الكبيره بتسهر وما بتنام بسهوله بالليل ، ما تحكولي أنظم نومها ، حاولت معها بكل الطرق وحتى لما ما أخليها تنام بالنهار ، وتقرر انو تنام بكير شوي ، بعد ساعتين بتصحى وكانو عندها يوم جديد .