عالم البنات النسائي كل ما يخص المرأة العربية من ازياء وجمال والحياة الزوجية والمطبخ
شلونكم صبايا ؟
حبيت اعرض لكم تجربتي في الشراء من المواقع الصينيه ..
طبعا دايما نكون ماخذين فكره الطلب من النت صعب ..
وان الشغلات الصينية رديه .. او مو متوقعين ان الاغراض بتوصل ..
انا اخترت هذا الموقع .. لان شفت كثير تاجرات يطلبون منه .. وقلت خليني اجربه
واغامر واطلب منه ..
طبعا الملابس والشغلات الي فيه تتميز بالسعر الزهيد جدا مقابل اسعار اسواقنا ..
الموقع اهوه http://www.********************/
انا بذكر المميزات والعيوب في هالموقع ومن خلال تجربتي :
الميزآت
– شغلاته رخيصه وحلوهـ .. ويمكن في شغلات مو موجوده باسواقنا
– تعاملهم الحلو .. وشغلهم السريع
– تنوع طرق الدفع وطرق التوصيل
العيوب
– الاغراض بسرعه تخلص من الموقع
– احياناً يكون الطلب غير عن الصوره .. وتنصدمين
اول شي بوريكم طريقة التسجيل بالموقع .. وهي جدا سهله وسريعه
ندخل الموقع من العنوان http://www.********************/
وهذي واجهة الموقع ..
نضغط على loginlRigester
على يمين الصفحه
راح تفتح هذي الصفحه .. ونسجل بالتسجيل السريع
كل شي موضح بالصورة
وبعدين راح يقولك تمت عملية التسجيل بنجاح
نضغط على user center
نروح للاكاونت ونضغط على الShipping addresعلشان نعبي بيانات التوصيل
بتطلع لنا هالصفحه .. ونعبي البيانات
كذا نكون خلصنا وسجلنا بالموقع .. والحين وقت التسوق ..
نروح للواجهة الرئيسية وبنشوف اقسام التسوق على يمين الصفحه
نختار الي نبيه
خلال التسوق ولما نختار بضاعه بنشوف كل بضاعه عندها كم كلمه
في شغلات نقدر نطلبها وشغلات لا
شوفوا الصور معاي
هذا الشي نقدر نطلبه لان مكتوب عنده add to cart
.. والسايز واللون واضحين
هذي الشغله ما نقدر نطلبها لان مكتوب عنده Bluck Order , وهذا يعني انهآ غير متوفره
طبعا كل شغله بنشوفها بيكون تحتها التفصيل للمنتج
وطبعا هالشي مهم خصوصا لسايزات الملابس .. لان يحطون الخصر والطول وكل شي
تقدرين بالمتر تعرفين هالشي قياسك ولا لا ؟ .. قبل لا تاخذينه
لان الصور تخدع ساعات
طبعا كل ما نضيف قطعه راح تطلع لنا صفحه فيها طلباتنا وبنهايتها هذي الصورة
اذا خلصنا من التسوق نضغط continue checkout
واذا نبي نكمل شوبنق نضغط continue shopping
اذا ضغطنا ان خلاص نبي نكمل اجراءات الدفع وكذا بتطلع هالصفحه
تاكد لنا العنوان
نضغط ship to this address
بتطلع لنا صفحه فيها كذا شغله
اول شي نختار طريقة الدفع
طبعا لكل طريقة سعرها .. وكل ما كانت اسرع كانت اغلى ..
حطوا في بالكم ان ممكن يكون سعر الشحن اغلى من البضاعه كلها
انا حبيت اجرب ال China Post .. واهوا ارخص طرق الشحن
وبنشوف ليش بعدين ؟ ..
وطبعا التوصيل بيكون على بريد البيت العادي ما اعرف شيسمونه
وهنآ طرق الدفع .. وبعد في كذا طريقة
انا اخترت الPAYpal وهي طريقة دفع آمنه ..
وطريقتها جدا سهله بس تسجلين بموقع الPAYpal .. ويفتحون لك حساب عندهم
وبعدين تعبين البطاقه بالقيمة الي تبين تشترين فيها عن طريق البنك
فما يقدرون ياخذون اي شي زيادة
نشوف باخر الصفحه
السعر كامل .. يشمل طريقة الشحن وسعر البضاعه
وبعد تأكيد الطلب
راح يطلع لنا رقم الطلب مو مهم وايد .. واذا نبي ندفع نضغط على الpay by paypal
عدها , الطلب راح ياخذ يومين لي 3 على ما يتأكد .. وراح توصل رسالة بالايميل ان الطلب تأكد
وما عليج الا تنطرين لما يوصل طلبج لباب بيتكم
هني شوفوا طلباتي خلال هالشهرين
اول شي كنت ما اعرف لوووووول .. ال3 الي تحت طلبات متأكده مو مدفوعه
والطلب الاول .. تم الدفع والاستلام
طبعا اذا كانت مشحون لكم راح ينكتب Shipped
لان الطلب ياخذ جم يوم علشان يتجهز
هذا طلبي لما ضغطت عليه
شوفوا رقم التتبع .. هذا راح نحتاجه علشان نحطه في موقع الشركه الي شحنا عليها الطلب مثل China post
وتقول لنا وين طلبنا .. علشان نعرف اذا وصل
هذا الموقع نحط فيه رقم التتبع الي فوق .. ويقول لنا وين شحنتنا
China Post Tracking result for China Post AirMail packpage
* تجربتي في الشراء من الموقع ،،
شفتوآ الكلآم الي فوقْ كله , طبعاً انا نآقلته لكم , عشان تستفيدونْ , لآني شفت كثير مواضيع يسألون عن طريقه الطلب ومحتآسينْ
على فكره : ترى قسم بالله اني مانقلته لكم بس كذا والله قعدت ساعتين اعدل واضبط …
المهم :
انآ بعد ماشفت الحوسه الي سوتها البنوته القميله الي نسخت منها الموضوع , قلت ليه التعب والحوسه ..
رحت دورت لي مندوبه وعطيتها كل طلبآتي وحولت لها الفلوس مع عمولتهآ وقعدت اسبوعين بالضبطْ ولا طلبيتي جت , انا طلبتهآ عن طريق فديكس , طلع الشحن غآلي جداً بس قلت اهم شئ شركه شحن ثقه
عموماً صبآيآ …
اهم شئ استفدتوآ من التجربتين تجربتي وتجربه البنت …
وقريب بنزل اغرآضي الي طلبتهآ … 
وكلْ الي اتمنآه منكمْ …
دعوه صآدقه من قلوبكمْ الطآهره , وآتمنى ترفعون مواضيعي بدعوه لآروآحكم النقيهْ 
