عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
اكيد متحمسين تعرفون النتيجه
طبعا فار تجارب انا
اختكم فراشه استخارت وسألت بعد مااحتارت كثييييير واخيرا الييييييييييوم سويته وجيت اخبركم النتيجه
اولا بقولوكم القصه من طق طق الى السلام عليكم
انا فكرت اسوي في مشغل منال نجد لاني مجربته وحلو عطا شعري لمعه وناسبني
طبعا انا مسويته من سنه لما عرفت ان الاسعار صارت نااااااار عندهم 😡 كنسلت
مقدر صراحه يعني انا شعري فوق الكتف بتسويه ب3000 وغير مجموعه الشامبو
المهم استخرت وقلت يابنتي اشتري من الشركه وفكرت في ماجستك وبعد ارتحت لانه بدون فورمالين لان كثير بنات خوفوني من الفورمالين ❗ بس بعد محتاره مافيه تجارب كثير
وبعد ماشفت رد الافعى الحنونه الله يجزاها خير تمدح الاثنين قلت استخيري يافراشه وسوييييييييييه يالله
وكلمت ام عزام (صاحبه مشغل امل بالسويدي) عطتني رقمها ريماس الله يجزاها خييييييير
وكلمتني بصدر رحب وعلمتني بصراااااااحه كل شي قالت انا ماحب اللف والدوران ورزقي عند ربي مايحتاج ابالغ ولا اكذب
عجبني اسلوبها مره انسانه محترمه وصادقه قالت تعالي جربي خصله لو خايفه من عيوني اسوي لك 😥
وبالنسبه لاسعارها مره معقوله مو مثل بعض المشاغل الله يهدييييييييييهم 😆 idea: يعني يحسبون الحريم يلاقون الفلوس بالشارع
يعني بالكثير علبه الكيراتين ب3000 يعني ليش تاخذ ربحها من زبونه وحدهويمكن تاخذ ثلاث اضعافها
تقول ام عزام اذا قلت ب500 ارتاعوا قالوا اتحدى يكون الكيراتين اصلي 😛 يعني لازم يكون بالالاف علشان يكون حلو واصلي تقول انا راضيه بالربح القليل اهم شي الزيونه تكون راضيه
يعني الاسعار عندها رخيصه مثلا الحواجب ب20 وتقول الزباين يقولون بسسسس ويشكون بجوده شغلها
مع انها انسانه تخاف الله ومنتجاتها تشوفين اساميها ماتخبي شي بس تقول وش اسوي يعني ارفع الاسعار علشان يقولون واااااااااو وش ذا الغالي اكيدحلو ❗
بس من جد كلامها اعجبني يعني ليش صاحبات المشاغل مايرضون بالربح القليل او المعقووووول ويبعدون عن الطمع
انا لما دخلت المشغل متواااااااااااضع بس نظيفه اهم شي
وقالت عندي كيراتين جلوبال وطبعا فيه فورمالين بس ينعم الشعر مره ولازم يترك بالشعر 3 ايام
وعندها ماجستك وعندها الكيور بالفورمالين وبايو كيور بدون فورمالين وعندها انوار
ورتني العلب قالت انا ماخبي شي وعلمتني اللي بدون فورمالين كيف شكله واللي بالفورمالين كيف شكله
وانا سويت كيور بالفورمالين طبعا نسبته 2% بسيطه جدا وريحته عسل وتدمع العيون شوووي لازم علشان الفورمالين بس نشف شعري راحت الدموع و مرررررره ريحته عسللللللل
والان شعري ماغسلته بغسله بكره قالت الافضل من تجربتي تخلينه يوم ماراح يضرك اذا ماتبين غسلته لك بنفس اليوم
قلت يابنت خليه وش بيضرك خاصه ان شكل شعري مستشور طبيعي وريحته عسل 😐
ايه سويته ب1000 مع الشامبو وحمام الزيت واختي ب850 مع الشامبو وحمام الزيت
وشعري الى كتفي واختي اقصر من الكتف
ان شاء الله بنت اختي الصغيره بتسوي الماجستك ونشوف النتائج
اتمنى اني افدتكم فيه كثير بنات شاكين من جوده المنتجات بس صراحه انا اشوفها حلوه ومن شركات معروفه ومعتمده
والفورمالين اذا بنسبه معينه امنه ان شاء الله ماراح يضر بس لان بعض الناس ماتخاف الله وتحط اشياء مغشوشه وفيه نسب عاليه
😐
ايه تذكرت بتكذبوني وتقولون تسويق حتى لو كان تسويق والله انها تستاهل التسويق على الاقل اسوق لوحده امينه تخاف الله
والنتيجه النهائيه بخبركم بعد مااغسله بكره
