عالم البنات النسائي كل ما يخص المرأة العربية من ازياء وجمال والحياة الزوجية والمطبخ
لاحظت كثير التهجم على اخوات باسم الدين للاسف
اقول تهجم وسب مو نصيحه كلنا مسلمين نحب ننهى عن المنكر بس اسلوب عن اسلوب يفرق
فيه بعض الاخوات تطرح موضوع وتلاقين الردود العجب العجاب كن بينهم عداوة شخصية
برايك انتي لو جا احد قالك هي انتي خافي واتقي ربك منعم عليك تعصينه استغفر الله ماتخافين الله تسوين كدا
وتلاقي الاخت كاتبه الموضوع اصلا مو قاصده بس هي فسرتها على كيفها
وجات اخت تانيه باسلوب راقي
وقالتك اختي الغاليه والله اللي مابيه لنفسي مابيه لك الشي اللي تسوينه والله مايصير
احنا مسلمين ومخافة الله واجبه وماودنا نعصيه عشان دنيا فانيه
اش رايك ايهم تاخدين رايها وايهم ترفع ضغطك
يعني نصيحه الوحده لاجت تنصح ولا تنبه هي اول تتقي الله في نفسها
وتفكر الكلام اللي تقوله تنفذه ولا بس رياء للاسف ممكن احنا مانعرفك بس ربنا العالم
وهدا دكرني بوقف لي
قبل فتره كنا انا وزوجي عاملين حفلة بمطعم وطبعا معي دورة مكياج وقلت خلني احللها وسويت مكياج افر
واحنا طالعين تدكرت ملابس لولدي قلت لزوجي انت انزل رجعها بطريقنا قالي ماعرف غطي عيونك وانزلي
ونزلت وانا اشوف المقاس ماجنبي احد قمت رفعت الغطا عن عيوني عشان اشوف المقاس جات جنبي حرمه طالعت بوجهي ونفخت بصوت الظاهر المحل كله سمعها قالت استغفر الله العظيم اش ذا
رفعت ظغطي بس حسيت ماتستاهل انزل مستواي لها واناقشها على اسلوبها
هذي قبل ماتفخ كدا فكرت بنفسها وعبايتها
شافتني اسوي هالحركه قدام رجال
سبحان ياتفكير البعض
مع التحيه وخالص الاحترام
