عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاتة…
بما اني اليوم كنت بالسوق ومعي الهازبند بتاعي 😡
فرفرت السوق محل محل ابي لي فستان نعوووم .. لزواج الاسبوع الجاي..
واحترت بفستان وجلست قدامه دقائق ..
قالي الهازبند .. يالله خوذيه .. قلت مادري محتاارة
طيب لحظة باخذ فرة ع المحل
ووقفت جنب فساتين اقلبهم واحد ورا الثاني
وفجأه قالي الهازبند .. خوذي هذااا والله حلووو ❗
اناا> 😥
ترا الفستان مو شين .. لا بالعكس حلووو ..
بس انا استغربت انه قالي رايه .. لأول مرة بحياته اشاورة ويقول حلو خوذيه
دايم اذا شاورته يقولي .. مادري عنكم واذاواقكم
او مادري ماعرف ماعرف
بصراحة نفسي ومنى عيني اشتري شيء ع ذوقة او يفاجأني بلبس ع ذوقة حتى لو مو حلو والله البسة
وبالنهاية شريت الفوسطان
بس يبيله تعديل قصة الصدر ماعجبني
بعد هذي المقدمة الجميلة .. وماعليكم منها طبعآآ مجرد مقدمة ..
تناقشنا انا ووحده حول هذا الموضوع .. تشترينه او لا؟؟
قالت رجلي يقولي خوذي هذااا وانا اضحك عليه .. قلت ليش حرام قالت مستحيل
…
صحيح اذواق الرجال اذواقهم موش مثل اذواقنا وتختلف .. لكن مايمنع انه مرة فقط نلبس شيء ع ذوقهم..
بقولكم سالفة وحده اعرفها..
زوجها كان مسافر ماليزيا رحلة عمل .. اسبوعين مادري شهر
المهم كان زواج اخوها قريب
وجاي وجايب لها فستان وقالها ابيك تلبسينه بزواج اخوك ..
البنت اعرفها مررررررررررة كشخة هي
والله لبسته ولا همها احد .. انا ماشفت الفستان بس اللي شافوه يقولون واضح ذوق رجال …
بس اعجبتني قدعة البنت 😆 idea:
السؤااااااااااااااال:
لو اشترى لك زوجك فستان وقالك ابيك تلبسينه في الحفله الفلانيه او في العيد او او .. المهم مناسبة ؟
تلبسينه او لا؟؟
بغض النظر عن انه حلو او مو حلو ..:P
