عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم..
مشكله كالعااااده جديده بيني وبين زوجي واستنا حكمكم وبناء عليه راح اتصرف يااعتذر يااستمر على زعلي..
الموضوع ومافيه انا ساكنه في بيت اهل زوجي وليا غرفه طبعا عندي طفله صغيره اليوم الصبح رحنا مشوار انا وزوجي وسبنا بنتي نايمه وجات ام زوجي نامت في غرفتنا عشان تنتبه لبنتي..
يوم رجعت كنت بمووووت من التعب ولقينا بنتي وام زوجي لسا نايمين قام زوجي دخلني غرفه ثانيه فيها سرير فقط ومكيف من غير لحف ولا شي وقالي خلينا ننام هنا لحد ماامه تصحى انا مارضييييييييت لاني داخله من شمس وعرق ولابسه جينز وحزام وحالتي حاله ابغى ادخل اغير وارتاح في فرشتي واروق مااحب اللخبطه في النوم انا ابببدا وهو عارف دا الشي..
قلتله والله مااقدر انام بدا الوضع روح قول لامك نحنا جينا عشان اباها تفهمها وتروح غرفتها لكن مارضي وقالي انتي قليلة ادب ونام وتركني وانا نعساااااااانه وربي صاحيه من الفجر وبموت تعب انا كل اللي كنت اباه ان امه تروح غرفتها تكمل نوم وانا اروح غرفتي انام وهو رافض يصحي امه على حسابي..
والله اكثر شي قهرني لهذه الدرجه انا تعبي مو مهم عنده اهم شي يريح امه وانا طز فيه طيب الواحد صح لازم يبر امه بس مو على حساب زوجته ويخليها في تعبها وفوق دا يزعل منها ليش اقول صحي امك تروح غرفتها ودحين زعلان مني ولا يبى يسمع صوتي وانا كمان زعلانه واصلا ماابا اكلمه بس ابغى ابينله ايش موقفي ..
ايش رايكم بامانه مين الغلط؟؟ وكيف اتصرف معاه اراضيه ولا اطنش.. مع العلم اني اول مره اشوفه زعلان بدا الشكل..
