عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اخواتى العزيزات فى منتدانا الغالى
النهاردة ان شاء الله موضوعى عبارة عن دعوة لينا كلنا
عن كيفية وصف صورة للديكور
النتيجه هنبقى متميزين ان شاء الله
سواء فى ديكور بيوتنا او مواضيعنا فى المنتدى
وكثير من الاخوات ماشاء الله بينزلوا مواضيع مهمة ومفيدة
بالصور …
ايه رايكم لو نضيف على الصور كلمات من عندنا
اولا عند اضافتنا للكلمات حنتمعن فى الصورة اكتر ونفهمها اكتر
ثاني حاجه بقى حنستفيد كلنا من تعليقات بعض
ثالثا شويه شويه حنثرى منتدانا بالجديد من انتاجنا
ونعمل مواضيع بنفسنا
ياللا يابنات كل واحده فيكم تختار صورة وتوصفها لنا بطريقة جذابه
اكيد ح تبدعى وتتميزى كمان
وبمرور الوقت هتتعلم اكتر
وتنزلى بمجهودك مواضيعك الجيدة والقيمة
النهاردة ان شاء الله ساضع لكم صور رائعة (ملوكى ) كده
وعلينا نوصفها و نعلق عليها
ونتعلم من بعض اخواتى الفراشات
وهبدأ انا بالصورة دى
فى طريقتين للتعليق
الاولى ممكن اعلق بجملة واحده بجملة واحدة
الثانية … انى اشرح واحلل اية المميز فى الصورة
وابرز جمالها من خلال كلماتى
الطريقة الاولى
نرى فى الصورة تداخل اللونين البيج مع البرتقالى ليخرج لنا لوحة فنية جميلة
الطريقة الثانية
نجد أمامنا غرفة رومانسية هادئة ..الاثاث فيها باللون البيج مع اضافة بعض الاكسسوارات
باللون الاورانج ليضفى مزيد من الحيوية والاشراق على الغرفة .. مع التفنن فى الاضاءة
الخافتة سواء على جانبى السرير اوفى اضاءة السقف.. واضافة مجموعة من اللوحات
البسيطة لتزيين جدران الغرفة .. وطبعا لم ننسى استخدام الزرع الاخضر
لاضافة جو متجدد للغرفة
دلوقتى ح احط عده صور وكل واحده تختار صورة وتعلق عليها
ونشوف تعليقاتكم البديعه
كل واحده تختار صور غير الاخرى
ان شاء الله ح اجيب ليكو اخرى ……
بالتوفيق
