ولـــدي ومعاناتـــه مــع الامســـاك,,ومعاناتــــي مــع قلـــة أكلــــه..!!

السلام عليكم ورحمة الله وبركاته
بنات ساعدوني تكفون..
عندي ولد عمره سنه وثمانيه شهور..
فيه شيئين متعبيني معه..
الأول:مثل كل طفل أول الانجاب كان معه اسهال والحمدلله ماطولت المسأله مع حليب الاسهال تمت المعالجه..
ولكن ماأن أصبح عمره خمسه أشهر بدأ يعاني امساك شديد ذهبت به الى الطبيب ووصف له حليب معالج الامساك وأوصاني أستمر عليه الى ان تتحسن حالته..وعندما تحسنت رجعت للحليب العادي يرجع الامساك المهم قال أستمري على الحليب المعالج للامساك طالما أنه مناسب له..سألته ألا يعتبر علاج..قال مثله مثل أي حليب آخر..وفعلا أستمريت عليه الى أن أصبح عمره سنه وبعدها أصبحت أستخدم رقم 3 العادي وبدأت أشربه عصير داناو مره باليوم..وكان وضعه ماشي تمام..ومن ثلاثه أشهر لاحظت الامساك من جديد أصبحت أعطيته داناو مرتين باليوم..وأصبح أفضل..لكن حاليا أعطيه 3 علب باليوم ولافائده وغيرت الى عصير كافيتا ونفس الشي..
البعض يقولون عادي أنه مايخرج بشكل يومي ولكن يعلم الله اذا ماأخرج يومين أشوفه متعسر ويتعصر ولا يخرج لدرجه انه يبكي ولون وجهه يتغير..فأضطر في ثالث يوم الى وضع تحميله للامساك..
الثانــــي:لايأكل تعبت معه,,في البدايه كنت أمسكه عشان يتعلم أن وقت يجلس ويآكل وبعدها يقوم..
ولكن هيهات بلا فائده..
قلت مالي ألا أعطيه لقمه وأتركه واذا رجع أعطيه ثانيه وهكذا أهم شي يدخل بطنه شي..
لكن المصيبه أنه يأخذ وحده ثنتين وخلاص مستحيل يآكل بحيث يشبع..
لايحب السيريلاك ولا الكورن فليكس..ولا يحب الخضار المسلوقه..لايتقبل شيء..فقط البطاطس المقلي ويحب الطماط..واللي مسبب لي قلق له أسبوعين مايرضع زين يادوب رضعتين وبالغصب بعد..
المطلــــــــوب:
1-وش أسوي بمسألة الامساك..هل تعرفون حلول طبيعيه ومفيده..لاتقولون مستشفيات وتحاليل تعبت منهم؟؟
2-كيف أخليه يآكل..هل تنصحوني بأشياء معينه؟؟