زوجي يدلع خطيبته الاولى قدامي

السلام عليكم
انا اليوم في حاجتكم ومتاكده انكم بتساعدوني انا يابنات ماعندي اخوات امي جابتني واتوفت
وابوي اتزوج وعشت عند جدتي وجدتي للاسف ماهي حنونه عليه وماتسال عني ربتني وزوجتني وانتهت مهمتها
مشكلتي ان زوجي كان خاطب وحده قبلي اسمها ندى لكن سابها واتزوجني لانه يحبني انا
بس ماادري دايما احس انه ندمان انه اتزوجني وسابها امس كنا مسوين حفله انا قريباتي وسالني كيف الحفله قلتله حلوه بس العشاء قليل قلي ليه من كان في ؟ قلتله فلانه وفلانه و…وبس والله يابنات كانه كان منتظر اسمها على طول قال ليه وفين ندو اتخيلوووووووووووو يدلعها كمان قدامي ومي اول مره قبل كذا سواها انا على طول قلتله انها خارج جده وانت ليه تسال وكمان تدلعها قول ندى مارد قلي ليه فين راحت وانا كنت زي الهبله اجاوب قلتله انها جاتها وظيفه قلي ماشاء الله ياحظ الي بيتزوجها انا يابنات ماقدرت استحمل قلتله بطلع اغير ملابسي كان يبغاني اسويله عشاء وطلعت ماعاد نزلت ماقدرت اطالع في وجهه ماني طايقاه
المهم اليوم الصباح قلت لازم اصحى واسوي فطور ولاكنه شيء حصل عشان مايحس ان الموضوع يهمني
بس هو زعلان لاني ماسويتله عشاء البارح وقلي حتسوي فطور قلتله ايوه قلي ماشاء الله وحاسه كانه
زعل وكمان حسيت انه عرف اني اضايقت من الي سواه
انا يا بنات الحين ابغى اعرف كيف اتصرف معاه ماني قادره اطالع فيه وكرهته والله اكتب وامسح دمعتي حاسه اني بنفجر اطنش واكتم حرتي في صدري والا ازعل ماعاد اتكلم معاه انا ماابغاها تكون سبب في مشاكلنا اش اسوي الحين اخوه خاطبها وبيملكو قريب وانا اكرها لانها دايما تدقني بالكلام هيه كانت تتصل على زوجي قبل زواجي وتقوله احبك ومن ذا الكلام بس هو يحبني انا وهو الي حكالي انها تتصل عليه وامه واخواته كلهم عارفين انها تحبه والحين بتتزوج اخوه
اش الحل انا حاسه باضعف لاني ماعندي احد يسال عني احس اني وحيده في الدنيا والله يابنات محد يتصل ويسال عني ومحد يجي يزورني انا تعبت حتى ابوي مايسال عني ولا عمره دخل بيتي يعني ماني ناقصه يجي زوجي وينكد عليه كمان افتح الموضوع يمكن يحس اني تافهه ويقولي هذا عادي ويمكن اعطيه مجال انه يفكر فيهاوالله ماني عارفه اش الحل ســـــــــــــــــــــاعدوني
كمان يابنات هو مايدلعني بس لمن يبغى هذه الشغله الي تعرفوها يبوسني ويحضني وغير كذا لا مايقولي كلام حلو ولايسولف معايا ولمن اقوله انت ماتجلس معايا ولاتهرجني يقولي اتهرجي انا اسمعك مع العلم ان لنا سنتين متزوجين موكثير