في المغرب كل شي زوين..

كيدايرين لاباس ؟؟ <<يعني شخباركم شعلومكم ان شاءالله بخير بالسعودي:(

توحشتكم بالزاف <<طبعا عارفين المعنى مااحتاج اترجم 😈

المهم خلوكم من البثاره اللي فوق

الحمدلله انا لي كم يوم من وصلت من المغرب الحبيبه آآآهـ يابنات السفره هذي غيرت نظرتي للمغرب كلياااا
الحين صدقت من جد اللي يقولون الشوف غير السمع
موضوعي كله مافيه مجاملات والله..كنت اسمع ان المغرب فيها وفيها وطبعا كلنا سمعنا وش السمعه السيئه عن المغرب
وماراح اقول للأسف الا بقول الحمدلله مو هذا اللي شفته
المغرب بلد اقل مايقال عنها رائعه من كل النواحي
اولا : الطبيعه سبحان خالقها كنا طالعين من كازا اللي هي الدار البيضا الى اغادير والطريق حوالي 5 ساعات يمكن وطول الطريق والله العظيم طبيعه ساحره الخضار في كل مكان وعلى مد النظر والحين طبعا شتاء فتلقون قمم الجبال كلها ثلج يعني سبحان ابداع الخالق وكل مدينه كان يميزها شي يعني اغادير كلها منتجعات الأجانب فيها بشكل كبير هي ومدينه مراكش اما مدينه مراكش كأنك بمصر في وسط البلد ناس وزحمه وشي رائع اما كازا حلوه مطاعمها يعني بإختصار كل مدينه لها شكل

نجي للمهم اللي هو ثانيا ..الناس: يابنات ناس يخافون ربهم بشكل كبير والله عكس كل الكلام اللي جاني ناس محافظين على الصلوات ناس محترمين واكثر ماشدني هو انه اذا جا مثلا واحد يمر والا وحده وانا مثلا ساده الطريق يقولون تسمحيلي الشريفه والله احس بعزه من هالكلمه وسبحان الله الكلمه هذي بإمكانها ترفع من نفسية البنت بدرجه لايمكن تصورها

الحجاب هناك كثييييير محجبات احسن من بعض الدول العربيه يلبسون الجلابيه المغربيه كأنها عبايه بس ملونه وعليها احجبه وفيه حريم منقبات بس ماشفت كثير لكن فيه

الابتسامه سبحان الله والطيبه في نفوسهم ولو احد غلط على احد يطلبون المسامحه منه وعادي عندهم الاعتذار مو زي بعض الناس اللي نشوفهم فيهم نعره حتى لو كانوا غلطانين ..هذولا اللي برا بالشارع

اما عن اللي داخل البيت انا سكنت مع واحد من محارمي الله يحفظه متزوج مغربيه شتااااان بين معاملة حريمهم وبين بعض حريمنا الله يهديهم لحد يقوم علي لكن انا والله تعلمت بعد اشياء كثير يعني لحد يزعل مافيها شي غلط لو اخذنا الشي الزين وتركنا الشين محد كامل قمة السعاده لكل مرأه انها تسعد زوجها وهذا شي بالفطره

عندنا بعض الحريم الله يهديهم يزعلون ويطيلون الزعل ولاتفكر تجي تصالحه وفوق هذا ماترضى بسهوله انا هالشي شفته بعيني وشفت نفس الشي هذي المغربيه اذا زعلت قريبي او اخذ بخاطره تجي له وتسولف عليه وتدلعه وتضحك وعادي يعني ولاكأنه شي صار
غير انها ماشاءالله لاقوة الا بالله كل شي يأمرها فيه تقول طيب من دون زعل وتزعل
اشوفها تصحى قبله نظيفه تلق ماشاءالله العطر يفوح منها دايما هي اللي تصحى قبله وتترتب وتلبس من احلا الملابس بالبيت طبعا مايحتاج اقولكم الحمام المغربي عندهم يسوونه بالأسبوع مرتين او ثلاثه يعني الف من ذكر الله مهتمه صح 😆 🙄
ببساطه اشياء بسيطه بس تأثر بالزوج (ولاتقولون بس هي لا والله سمعت عن اهتمامهم بانفسهم كثيييير)
صراحه انا من دون خجل تعلمت منها اشياء كثير مو غلط لو تعلمنا

طبعا قبل مااختم موضوعي في الصالح وفي الطالح اكيد شفت نماذج سيئه لكنها بكل بلد واكثر شي آلمني الجهل عند البعض فيه زي القلعه مسوينها وسط البحر يرحون لها السحره اعوذبالله ماادري وش قصتها بالظبط لكن حتى يوم سألت المغربيه اللي كنت ساكنه معها قالت لي انه خرافات وانه ناس تعتقد انه كان فيه وحده جميله وصالحه وماتت وصار فيه وقت من الاوقات يرحون لها بعض الناس
وبعد شي ثاني اللي هو زي السلاسل على شكل يد يعني كأنها تحمي من العين واذا احد قال شي مدح يعني بعضهم مايقولون قول ماشاءالله يقولون خمسه وخميسه

اممم هذا مافيه جعبتي من سفرتي للمغرب
وعادت سلطانه زمانها محمله بالصوابين المغربيه 😛 <<ياحبها لخرابيط الجسم
تصدقون بنات اول مره سويت حمام مغربي طلع مني خيوط سودا من الوساخه 😡 <<برا