عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بقولكم قصتي من الأول….
أنا عمري 27 سنه لسا ما تزوجت المهم من كنت في الثانوي و ولد خالتي يبي يتزوجني يموت فيني بشكل محد يصدقه
لدرجة انه كاتب اسمي على دولاب ملابسة و المحفظه حقته طبعا هالشي قالولي عنه خالاتي
المهم خطبني
و انا لسى بثالث ثانوي و انا صراحه رفضته لان ما كان عقلي عند الزواج بتاااااااااااااااااااتا مشغوله بدراستي و الجامعه و الخ…
طبعا بعد محاولات اقناع و واسطات ما تم الزواج بيني وبينه
خطب وحده من برا العائله و تزوجها و هي بعد الزواج قال
الطبيب انها ما تنجب فبعد 7 سنوات تقريبا طلقها
بالرغم انه يفكر فني حتى و هو معها….أول فترة طلاقه
حتى ما بعد قال لاحد انه طلقها الا لامي
اتصل عليها و قال انه يبي يتزوجني لانه طلق زوجته قلت لامي انا مستحيل اخذ هذا الانسان يارب عجزت اقنع نفسي فيه حاولت اكثر من مره ما قدرت المهم قالت
امي خلاص بستشيرها بعدها قلت لامي لا و الف لا يا رب قلبي ما يرتاح له مع انه طيييييييب بس ما ادري ما احس ممكن اتقبله اتصلت عليه أمي و بلغته اني رافضه تقول امي شوي و يصيح يقول تكفين يا خاله انا احبها و و و الخ قالت له امي انت على اي اساس تحبها انت شايفها؟؟! قال احبها من يوم هي صغيره و قلبي متعلق فيهااااااااااااا قالت امي يا ولدي لو لك نصيب فيها كان اخذتها………
انتهى الموضوع على كذا ,بعد شهر خطب بنت من الأقارب أكبر مني طبعا و ملك عليها…
بس.
المغزى من هالقصه هذي كلها اني ما قد انخطبت ابدا في حياتي الا منه و لا قد حتى صار نصيب بيني و بين اي حد بالمره ….سؤالي هنا هل صحيح أن البنت اذا تعلق فيها أحد ما تتزوج لان نفسه فيها و انها لازم تاخذ غساله و الذي منه؟؟؟
تكفون الي فاهمه تقولي الصدق صراحه خالاتي خلوني اهوجس!!
و آسفه على الاطاله لكن ما لقيت غيركم اشكي له..
