عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم صبايا ؟؟
انا بصراحه حيل متضاايقه ومالي غير الله ثم انتم افضفض لكم انا سجلت في منتداكم بعد ما قرأت ردودكم المريحه
وحسيتكم عسولاات
بنات انا كثير متحطمه بشكل ماتتصوروونه انا نفسيتي كثير تعبانه
احس مالي قيمه ولا لي هدف في الحياه احس اني داشه مرحلة اكتئاب 😀
صديقاتي كلهم تزوجو وانشغلو عني احس اني وحيده
دايم ادعي ربي اذا كان الموت خير لي يموتني وريحني لاني تعبت من الحياه بجد احس الحياه صار لونها اسود بالنسبه لي
وغير عن هذا احس اني ثقيله على اهلي احس نظرات اخواني لي مره تتعبني بحكم اني للان ماتزوجت
ياربي وش اسوي هذا اللي كاتبه لي ربي وانا راضيه فيه
بنات انا وحيده مالي احد مالي خوات اشكي لهم ولا لي صديقات
وامي عقليتها صعبه ما راح تفهمني
والله يبنات ما انام الليل الا اذا وسادتي امتلت دموووع افكر في حياتي مالي هدف والكل مستحقرني واحس وجودي وعدمه نفس الشي
بنات اهملت نفسي كنت قبل كلي حيووويه بس الحين غير الحين صرت شاحبه واسرح كثير وانسى كثير
تعبت وربي تعبت ماعاد فيني اتحمل كلام الناس اللي جنني ونظرات الشفقه من احد
حتى بنات خالاتي وبنات عماتي وعماني مالي احتكاك فيهم كثير عايشه في وحده رهيييييييبه ماتتصورونهااا
بنات انا دايم افكر ادخل مواقع واتعرف عشان انسى بس افكر بربي ما ودي اغضبه اخاف اطيح بالحرام
وانا كثير رومانسيه واكيد بنجرف في هالاشياء واحاول ابعد قد ما اقدر لاني بجد اخاف من الله
تعبت تعبت تعبت ياربي ارحمني تكفون ساعدوني انصحوني عاتبوني قولوا اي شي
اهم شي احس ان فيه احد حاس فيني
انا طولت عليكم بس من الحرقه اللي بقلبي وربي اكتب ودموعي تنزل آآآآآآآآآآآآه ياارب وما خاب من قال يارب 
