مواقفكم مع اول ولادة…..

السلام عليكم ورحمة الله وبركاته

ابغى من كل وحده حصلها تحكي لنا عن اول مرة تجيك حالة ولاده وايش كان شعورك لما جاتك علامات الولاده وايش ردة فعل زوجك:D
عني انا اول مره حمل كنت في نهاية الثامن وابدا ماكان في بالي انه ممكن تجيني ولادة لاني اصلا كنت متخوفه كثير منها وكانت هاجسي طوال حملي ➡
المهم كان صباح ال26 من رمضان وقبلها مشيت كثير في الاسواق عشان نقضي ❗ حتى اني اشتريت للعيد فساتين حمل قمت الحمام الله يكرمكم ورجعت على سريري وماامداني احط راسي الا وذاك الشي اللي ينزل بغزارة قمت مفجوعه وصحت وفجعت زوجي قلتله شكلي بولد على بالي موية الجنين 😆
ولما قمت الا وذاك الدم اللي عبى المكان زوجي مرة خاااف وقام بسرعه ومن الربكه لبس الثوب ونسي بطايقه ومحفظته ورحنا المستشفى وسووا لي اشعه لانهم خافوا على الجنين وطمنونا مافيه شي وقالوا بنحطك تحت الملاحظه
وانا على بالي برجع البيت المهم اعطوني ابره منومه ونمت الى المغرب وما ادري الا الممرضه تصحيني وتقول ماما قومي في ولادة وانا بس سمعت ولادة واااااااااااااااااااااااااااااااااااااااع:) ابكي كني طفلة صغيرة
مصدومه وقعدت ابكي والممرضه تهديني مع انه مافي آلام
والحمدلله ربي سهل ولادتي وجبت بنتي في ليلة القدر ➡
يالله كل وحده تحكي عن اول ولاده لها ياحلوين