عاااااجل : أبي رأيكم في بدء التجارة بماسكات من ايطاليا

يابنات فكرت وأجيب بضاعة من برا واتاجر فيها
يعني اخصص مبلغ وأشتري البضاعة وأحط اعلانات وأسوقها بالنت وخارجه
حاليا في بالي فكرة استيراد بضاعة غريبة لكن خايفة محد يشتري واتوهق فيها
أول تجربة بتكون بضاعة من ايطاليا ” فينيسيا ” ووصيت عليها وحدة اعرفها سافرت هناك
وبترجع بكرة بالليل وطلبت منها تجيب لي مجموعة من هالنوعية
بس خايفة ماتمشي واتوهق فيها
نوعية البضاعة .. أقنعة تنكرية من النوع الفاخر
عرفتوها ؟ اللي يلبسونها الحريم في الافلام الاجنبية على وجوههم في حفلاتهم التنكرية
الماسك يغطي الوجه كله وبعضه نص الوجه
واسعاره من 150 إلى 200 ريال على حسب الموديل
ماعندي الحين صور (ماأرسلت لي البنت) والا نزلتها لكم وتعطوني رأيكم فيها
بس تقول روووعة وأنا أثق بذوقها لأنها ذويقة ماشاءالله
وش رايكم ؟ هل اطلب كمية كبيرة ؟ هل تتوقعون بتمشي عندنا ؟
وشلون بيكون الاعلان عنها ؟ وهل فيه طرق جديدة لبيعها ؟
و وش غيره من الضايع اللي بإيطاليا ممكن تمشي هنا
هل ممكن القى مسوقات او مندوبات ؟
انتظركم والله يوفقني وياكم