عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيف حالكم اخواتي ..
بنات حاسة بضيقة موطبيعيه حسبي الله ونعم الوكيل في من كان السبب بقولكم قصتي باختصار
انا كنت محوزة لولد خالتي سنتان وكانت خالتي كل ماسمعت باحد جاي يخطبني طردته وقالت بعدو عنها هذه لولدي وبعد مامرت السنتان سمعت انه جاينا خطاب قامت جات طياران وملكت على لولدها مو متوظف وكذبت علينا وقالت انه قريب راح يتوظف وبعد مامر سنتين من الملكه وحنا ننتظر خبر تحديد الزواج دقو علينا وبكل بساطة تقول امة الولد طلق البنت عشان مالقي وظيفه ولاعندنا فلوس نسوي الزواج وان شاء الله ماحصل شي ولاتزعلون علينا بنتكم عندكم وماحصل شي ..
حسبي الله ونعم الوكيل كذبت علينا وبعد ملكه سنتين !! بكل بساطة يخلوني مطلقة ويقولون ماحصل شي وكان كل ماسمعت باحد يخطبني طردتة ..الله ينتقم منها الي ماعمرنا ضريناها بشي ولا طردنا العرسان عن بناتها زي ماسوت فيني ..انا حزينة جدا يابنات اني صرت مطلقة وعمري 24سنة ومبسوطة اني افتكيت منه لانه مو كفو بس مقهوره اني مااحسنت الاختيار رغم الخطاب الي جوني موقليل لاني الحمد الله ربي انعم علية بالجمال، تعتقدون راح يجيني اعزب لاني لو اموت ماخذ متزوج من قبل.
بنات معليش اسلوبي في الانشاء ركيك لان ماعاد عندي تفكيير .. الله يسعدكم يافراشات كل من قرا قصتي فليدعو لي ان الله يعوضني خيرا منه عاجل غير اجل ..فانا في امس الحاجه لدعواتكم ..
عن sayyaf61
شاهد أيضاً
يارب فرج هم كل من تدخل موضوعي ( هموم تتكاف من كل صوب )
السلام عليكم .. هذا اول موضوع احطه في هالقسم .. بس تاكدو اني على طول …