قصة ولادتي واحلى ذكرياتي فيها خخخخخ

اليوم جايتكم بقصة والادتي بتالين الدلوعه الله يحفظها ليه يارب

احداثي بدأت من يوم الثلاثاء تاريخ 16 / 3 / 1431 هـ . وكانت عندي مراجعه وقامت الدكتورة

كشفت عليه اول شي بالسونار وقالت الراس لسه مايل مانزل في الحوض والاسبوع الجاي اذا

ماولدتي لازم نديك طلق صناعي وقالت بكشف من تحت ونشوف الرحم فتح ولا لسه وكشفت

ولقيته 1 سم وسوت ليه تحريض لين بغت تطلع روحي ياربي احبااط وقلت لها طيب كيف انا تعبت قالت روحي امشي

ما ابغى استعجل عليكي امشي وتعالي بعد ساعتين قلت طيب وطلعت وعلى البيت واديها نووووووومه

واصحى بالليل وانا طفشاانه قالي زوجي تبغين تمشين قلت طيب وطلعت الساعه 12 بالليل مشيت

حول ساعه الا ربع ورجعت البيت ما احس باي شي ونومت عيالي وصرت انا و زوجي سهرانين والا

يقول لي مو تبغين انتي زيت خروع << حسيت انه يبغى يفتك كان الحمل ببطنه مو بطني خخخخخ

قلت له طيب وراح جري الصيدليه وجاب زيت الخروع وسويت عصير برتقال وحطيت ملعقه وشربتها

يييععععععع ياربي لك الحمد ..

وبعدها قلت خليني انام اريح شويه قبل الفجر ومنها اصحي اولادي يجهزون للمدرسه ومنها اروح

للمستشفى اشوف كيف الوضع وما جات الساعه 4 ونص الا والتحجير اللي في بطني يصحيني

وقمت قمت تروشت وجهزت عمري وقلت شكلها ولاده اليوم وطلعت ولبست وقلت خليني ادخل

اشوف القروب ودخلت ومالقيت الا مي وشوشو والباقي يشاخرون نايمات ياحليلهم خخخخخ

واجي اكلم البنات مايردون انا مع حرت الوجع عصبت عليهم وبرضه طنااش قمت قلت اقولكم ادعولي

شكلي راح اولد

وصحيت اولادي للمدرسه وانا ودي يروحون بسرعه لان بديت احس بالجد وهالله هالله وصحيت زوجي

وقلت له قووم اجهز تراني تعبانه والمسكين دخل الحمام الله يكرمكم بيتروش والا وانا وضعي مايسمح

للانتظار قمت اعجل فيه قلت له اقولك اطللللع تعبااانه وبالفعل طلعته وهو يادوب فتح المويه بيتروش

خخخخخخ قلت يالله مقدر اصبر الطلق صاير كل 3 دقايق والله خليت اولادي لامدرسه ولايحزنون

وانا بالسياره قلت راح اوولد وماصدقت اوصل واول مانزلت في الطواري جابوا ليه العربيه وجلست وقلت

بسرعه ودوني قسم الولاده والممرضه اللي معايا ياثقل دمها تمشي على مهلها وتسولف مع اي

وحده تلاقيها وانا بمووت تعب واخر شي عصبت قلت لها الحين انتي تتلكعين وانا ميته تعب بسرعه

ترا بحطه في العربيه ههههههههههه

واول ماوصلت شبكوا ليه التخطيط والطلق مستمر يعني ولاده وجات كشفت الدكتورة وقالت الرحم

عندك 3 سم ➡ لااااا مو معقول هذا التعب و 3 سم

قالت بعد ساعه بشوفك قلت طيب وانا منسدحه وشابكين جهاز التخطيط والطلق شغال وجاتني

بعد ساعه وقال في طلق قوي خلاص الحين ننقلك غرفة الولاده وبالفعل جهزوني وغيرولي ملابسي

ونقلوني لغرفة الولاده واول شي حطولي الكمامه البنج والا وانا في عالم ثااني ويمكن حول ساعه

كشفت لقيت الرحم 4 سم وانا دايخه اذا صحيت اصحى على الطلق وارجع ادوخ وشويه يابنات احس

الطلق بدأ يشد واصيح اقولها ابغى اتبرز وجات كشفت سالتها امي قالت لها 7 – 8 سم

وبعدها صرت ادف غصب عني وفجأه قمت اصارخ عليها اقولها تعالي برزت وهيا تقولي مدام لاتدفي

قلت على كيفك هوه يطلع من حاله خخخخخخخخخخخخ

وشويه كشفت قالت 9 سم خلاص ولاده عاد وقتها حسيت بالجد وشفت الدكتورة وممرضات كثيرين

ودكتور البنج وقمت اصيح عليهم اقولهم ابغى بننننج ادوني بنج والله كاني مدمنت مخدرات والدكتورة

تقولي طيب الحين نديك وانا اقولهم يالله ابغى بنج وبنفس الوقت احس بدفع لا ارادي وشويه اشوف

دكتور البنج واصيح اقوله تعاااال اديني ابرة البنج وهوه يقولي حاضر حاضر وانا عيني عليه واصيج اطلبها

وعشان يسكتني ركب الابره في يدي ويقولي شوفيها وانا اقوله يلا صبها بيدي << تحسب

فنجال قهوه يصبها خخخخخخخخخ

وبعدها مادريت عن نفسي وصحيت بعد ساعه واشوف امي وارجع اصيح اقولها يلا خليهم يولدوني

جلست تضحك عليه وتقولي ولدتي يا حبيبتي والحمدلله وكانت ولادتي على الساعه 10 ونص

يوم السبت الموافق 20 / 3 / 1431 هـ وجبت احلى تالين كتكوته وصعنونه

كانت ولاده سهله بس الخوف لاعب فيني

واعذروني على الاطاله وعقبال كل وحده بولاده سهله ميسره ويارب ترزق كل وحده تتمنى الحمل