عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله 😆
طبعا شفتوا الموضوع…!
وارجوا رجاااااااااااء من المشرفات لاتحذفون
لأنكم لو حذفتوا الموضوع رح يتمادى بعض التاجرات الله يسامحهم
واللي ذبحهم الطمع ولا يدروون وش يسوون عشان يكسبون بإي شكل
حتى لو على حساب سمعة تاجره غيرها…}~
انا رح اقول اللي في خاطري من زمااااااااااان ونتوا بكيفكم عاد…
مدري وش غرض بعض التاجرات اللي لما تلكمها زبونه تستفسر عن شي وتقول لها
( ترى اللي عندي غالي وأصلي ,, وترى لو رحتي لغيري رخيص تقليــد )
بالله عليكم هذا كلام؟؟
انا مانكر ان فيه المقلد وفيه الأصلي
ولا انكر ان فيه بنات تبيع تقليد بالهبل ولكن مأنزل نفسي لهالمستوى واقطع رزق غيري
يختي قولي اللي عندي اصلي وبس
لاتقولين انا سعري مثلا 300 اصلي وترى لو شفتي عند غيري بأقل تراه تقليد…
مع انها عارفه ان اللي عن غيرها زيها ورب الكون
بس تبي تكسب بإي شكل
اتوقع فهمتوا وش اقصد؟؟
يعني والله العظيم يابنات ان فيه زبونات يكلموني ويستفسرون عن حاجه ابيعها مرح اذكر اسمها
عشان مأخرب علي غيري
وسعرها عندي سعر مره حلو وتقدر اي وحده تدفع هالمبلغ
وانا والله ماحبيت اغالي في سعره مع ان سمعته بالسما
واقدر اغلي في سعره زي مأبي وانا الكسبانه
ولكن بصراحه ابي احط سعر مكسبي فيه قليل وفي نفس الوقت الناس تقدر تشتري ولا يصير غالي عليهم
اما مسألة انك تقولين
( اللي عندي اصلي وترى ارخص من كذا تقليد ؟؟ )
لأ ستوب عاد
حرام عليكم
والله زيونات تكلمني ولاقلت لهم السعر ينصدمون,,!
يقولون معقوله هذا سعرك مره رخيص اكيد تقليد انتي..!
شفتوا كيف الموقف..
يعني انا تقليد…!؟؟
وانا ورب الكون وكلكم ياتاجرات عارفين ومتاكدي إذا انتوا فهمتوا وش اقصد انه مو تقليد عندي
والحمدلله الله يبعدني عن اني ابيع تقليد اغش الناس واكسب حرام…
انا كل الي ابي اوصل له…
( ياتاجره يامتحرمه لاتخربين على غيرك ,, قولي سعرك ولوماعجب زبونتك اسكتي,, قل خيرا اواصمت .. مو تقولين ترى انا غالي اصلي وغيري تقليد ؟؟؟)
عيــــــــــب..
لايوصل بك الطمع انك تقطعين رزق غيرك..
لاوزيدكم من الشعر بيت
كلمتي مره زبونه وتسأل عن المنتج… وقالت
( اوف انتي ليش كذا سعرك غير غريبه..! تدرين ان فلانه قالت ان عندنا بس الأصلي وباقي الناس تقليد وان هي بس الوحيده اللي تتعامل مع الشركه؟؟)
هاه شرايكم؟؟؟
بالله هذا اسلوب تاجره..تخاف ربها
تقوم تقطع ارزاق الناس
قولي لأ مقدر انزل في سعره ,, وبس لاتخربي على غيرك عشان تحدي الزيونه تاخذ منك بحجة ان اللي عند غيرك تقليد…
اكيد مريتوا بكذا…هل هالشي صح ولا انا اتوهم انه غلط؟؟
