عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته..
كيف حالكم جميعا…
انا قريت في موضوع بحق الاخت فراشة حياتي عن موقف مع مشتريه…الخ
المهم يابنات انا والله تعاملت معها واشتريت بدل من سنه تقريبا وكانت واضحه وصريحه ومباشره وارسلتها في زاجل واستلمتها بوقتها وماشاءالله عليها..وهي بمنتدى ثاني يعني اسمي مو هالاسم
والله العظيم لا اعرفها من قريب ولا من بعيد والحمدلله انا ماراح احلف عشان غرض دنيوي
بس يابنات لاتستعجلكم العواطف..
انا مثلا طلبت لصديقتي طلبيه من امريكا وعطتني حقها وطلبتها لها واعتمدت توصلها قبل العيد من امريكا لانها طلبت بتاريخ 15 رمضان وتصوروا وصلت الين الدمام بتاريخ 24 رمضان بعدين وقفت هناك ومانزلت للرياض الا تاريخ 5 شوال؟؟يعني من امريكا 10 ايام ومن الدمام للرياض 10 ايام؟؟شوفوا الفرق بس بيننا وبينهم(حسبي الله ونعم الوكيل؟؟))هل احمل التاجره الذنب؟؟
اقولها رجعي فلوسي خلص العيد ماوصلني الغرض؟؟
حتى المبلغ مايستاهل نقول عنه نصب!! شوفوا اللي بتختلس وتسرق تسرق على ثقيل زي حراميه اللاب توب والطلبيات اللي بالالووووووف وتهرب ولا لها اثر..بس مبلغ اقل من 500 ماظن تبيع سمعتها عشانه
المهم البنت خسرت وماصارت كشخه بالعيد ولا شي..
الزبده ان الشخص يلتمس العذر لاخيه المسلم ومو علطوووول نتهم الناس ونتظلم عليهم
وربي اني ماقول كذا هضما لحق احد لكن الحمدلله على كل حال..والصلح خير..ولو جيتيها بالتي هي احسن اتوقع انها بترد فلوسك بس ماتووووصل لحد خراب البيوت وقطع الارزاق ..
بس تاملوا معي هذا الحديث((احب لاخيك ماتحب لنفسك)) يعني لو زوجك ماودا لك الغرض لصديقتك اللي وعدتيها خلاص صرتي خاينه الوعد؟؟؟
وولو مرضتي ولاجاك ظرف..
لكن هالشي مايجرمها يمكن هي حاطه خط للطلبات..والاخت معروفه بائعه من زمااان مو وحده توها طالعه لنا..والحمدلله على كل حال
يابنات تذكروا الموت والقبر وظلمته..تذكروا ان ورانا اخره وحساب وعقاب لاحول ولا قوة الا بالله
انا بس حبيت اكون واسطه خير والله يشهد على النوايا 😳
تلاقينها الحين منغثه وضايق صدرها بسبب اللي صار وتاكدي وانا اجزم لك انها ماتعمدت العطله وعارفه انك بتلبسين للعيد بس الواحد يحسن النيه والحمدلله
اهم شي الصحه والعافيه والله يديم علينا المحبه في الله
