عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم و رحمة الله و بركاته:
خلطة بنت الجدوع للتنحيف ، صار عليها ضجة كبيرة و طلب شديد في شريط المجد …
و بنت الجدوع ماشاء الله عليها مشهورة بالخلطات الناجحة ، في كل المجالات و كثير جربوا خلطاتها و مدحوا فيها..
و للامانة أنا ما جربتها ، بس كتبتها عندي لوقت الحاجة…:)
و علشان ما يفوتكم حاجة في الشريط شغلي التسجيل في جواللك و أقرأ و سجلي صوتك و بعدين فرغي كتابة ، بكذا تضمني أنه ما يفوتك حاجة…
و الخلطة هذي سجلتها أكثر من مرة للتأكيد و بعدين كتبتها عندي ،، و فيه كم وحدة مدحتها من ضمنهم مدرسة قالت أنه فيه وحدة من المدرسات نحفت عليها كثير خلال أسبوع بس ما قالت كم بالضبط…
و الحين بحطها لكم…
30 فص ثوم ـ 15 ليمون صغير ( بو زهيرة ) ـ نص كوب زنجبيل طازج مبشور ـ 8 أكواب ماء
تحطي الثوم و الليمون بعد ما تقشريه و تزيل الفصم اللي فيه على النار مع 5 كوب من الماء و تخليها الى أن تغلي…
و بعدين تطفي عليها و تتركيها تبرد شوي ..
تحطي في الخلاط الزنجبيل و 3 أكواب من الماء و تخلطيه زين و بعدين تحطي عليه الثوم و الليمون بماءه و تخلطيهم زين..
و بعدين تحطيهم في علبة و تحطينه في الثلاجة…
و بعد كل وجبة تشرب منها فنجان … و عادي تشربيها باردة..
الخلطة بتكون سائلة مو ثقيلة بسبب الموية ، و كمان ريحة الثوم ما فيه لانه الزنجبيل و الليمون بيشيلها و اذا مو متاكدة نظفي أسنانك بعدها و تمضمضي بغسول الفم…
فرصة تهتموا بااسنانكم…
هذي هي الخلطة زي ما هي عندي و يارب ينفع بها ، و تذكروا يابنات قبل ما تجربون أي حاجة قولوا: ( بسم الله الذي لا يضر مع أسمه شيء في الارض و لا في السماء وهو السميع العليم ) ثلاث مرات و بأذن الله ما راح يضركم حاجة..
و ان شاء الله اذا جربتها بقول لكم على النتائج ، بس ما أدري متى بجربها..
منقول للامانة
