لايفوتكم ياللي تدورون المشاغل الراقيه واللي سعرها معقول

انا بصراحه كان لوحده من قرايبي مناسبه ورحت معها لمشغل مشاعل اللي بالشفاء انا بصراحه اول مره اجي المشغل هذا وشفت كل شي على الطبيعه وحبيت افيدكم باللي شفته بعيني مو اللي سمعته من الناس

بصراحه تساريحهم روعه ماعليها كلام وجميع انواع التسريحات يسونها لك وتعلمك وش اللي يناسب شعرك وتسريحاتهم ب150 ومكياجهم ب150
المكياج بصراحه شفت ناس طالعه تجنن وناس عاديه وسئلت المسؤله قالت حسب طلب الزبونه بس بس شفت ثنتين حرمه وبنتها ماشاء الله كلهم حلوين

والافضل من ذا كله انك تحسين بالامان وانتي داخله عندهم لان فيه امن عند الباب يفتشون على الجوالات اللي فيها كميرا لذلك تجلسين وانتي مرتاحه والافضل من ذلك التعامل والاشراف المستمر من المسؤلات عن المشغل

على فكره عندهم قسمين قسم خاص يسمونه الفي اي بي ب500 المكياج والتسريحه فيه اختلافات من حيث المواعيد يعني تحجزين الساعه5 تجين على موعدك والرموش والاضاءات والحشوه كلها من ضمن المبلغ

حبيت افيدكم وانقل لكم اللي شفته بالمشغل بكل امانه