عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
يابنات بالبداية ارجوكم لاتتضايقون لاني حددت مناطق معينة او لاني حددت القبيليات ارجووووووكم انا ماحددت الا لانهم زي وضعي وبيقدرون يفهمون مشكلتي وينصحوني
انا اوجه سؤال لكم يابنات نجد القبيليات
لوكانت عندك اخت
عمرها 29
مدرسة رسمية الله ماشاء لكن برى الرياض وتنتظر النقل
تحضر الماجستير حاليا ماشاء الله
جميلة والجمال نسبي طبعا لكن بشكل عام محد يقول عنها عادية اقل شي ممكن يقولون مملوحة واغلب الحالات جميلة
يعني اقرب لكم الصورة فيها المواصفات المطلوبة
بيضاء طويلة شعر ناعم اسود المهم مافيها عيب ابد ابد ماشاء الله
مثقفة مطلعة وذويقة باللبس
اهلها محترمين مثقفين واخوانها متعلمين وشهادات عالية بس حالتهم المادية وسط
ماتطلع كثير يعني محيطها الاجتماعي قليل ولا لها طلعات الا عمان او خوال او زياراة لاماكن ترفيهية وزواجات مع اهلها
كانت تنخطب كثيرررر مرة ومن ناس ممتازيييين ماشاء الله لكن ماحصل نصيب مو لعيب فيها لا ابدا وانما الظروف والنصيب
طبعا هالخطبات بدت تقلللللللللللللللللللللللللل
وبدا يجيها اصحاب العيوب مقارنة بوضعها
هالبنت الي هي اختك ماتبي شي خورافي الحين . كانت تطمح وتحلم بشي كبير لكن الان صار همها شاب اعزب محافظ ع الصلاة وجامعي ووظيفتة محترمة وطبعا قبيلي ومن نجد بسبب عرفهم الاجتماعي الي ماتقدر تطلع منه
لكن للاسف الي يجونها الحين لازم يطلع فيه عيب . وممكن متزوج وممكن مطلق مع عيال
واغلب الاحيان شهادته اقل منها
[الحين انتي كاخت لها وهذا وضعكم وهذا وضع اختك . وشايفة حالتها .
بايش تنصحينها
بايش تشورين عليها
وش تقولين لاختك الي السنين بدت تركض قدام عيونها
بامانة وصدق تخيلي الوضع وشوري عليها
هل تتوقعين ان في امل يجيها الي تبي
ام تنصحينها تقبل باي شي لانها دخلت مرحلة الخطر (علما بانها لو قبلت غالبا ماراح تنبسط ولا ترتاح على الاقل في البداية لان الي جاها مو مثل الي تتمناه والي تحلم فيه طول عمرها )
ام تشوفين مواصفاتها مطلوبة والوضع مطمن قدامها لكم سنة
والي عندها اخوان
هل تخطبين لاخوك المتعلم الي له مركز وحده بهالمواصفات وعمرها 29
ام ان العمر هو اهم شي عندكم
انتظر ردكم الله يجزاكم خير
