||مميز يستحق المشاهدة||كيف تصنعي اكياس هدايا < من ورق المجلات ..

صبـاحكـم / مسـائكم فل و ياسميـــن

نورتو المــوضــووع ..

يـارب تعجبكم الطريقه 🙂

يلا نبدأ ياحلويـــن

الادواتـــــــــــــــــــــــــ 😆 🙂 :

– مجــلــه < اي مجله بس يكون فيها ورق ثقيل ..
– شطرطون ..
– مسطره ..
– مرسمه ..
– خرامه ورق ..
– اي كرتون صغير فاضي عندك > فقط عشان تاخذي القياس ..

خطـــــــــــــــــواتــــــــ العمـــــــــل :


اول حاجه نجيب المجله

راح ناخد غلاف المجله الي برا عشانو سميك

بعدين راح نشق الخلاف

ونرسم بالمسطره خط مستقيم عن المكان الي شقينا منوو

ونبدأ نقص .. 😐

وبكذا سارت حواف الورقه متساويه
دحين راح نستعمل الكرتون الي عندنا و الورقه الي قصيناها

نجي لشرح الصوره الي فوق :

2-1- راح نحط العلبه في وسط الورقه
3- نساوي الورقه من الجهتين
4- نطوي الورقه على حواف الكرتوون

1-نشيل الكرتون و نطوي المكان مزبوط << من الجهتين
2-نستخدم المرسمه ( قلم الرصاص ) ونضغط على الحواف عشان تنطبق مزبوط << من الجهتين
3-حيكون الشكل كذا من برا
4- والشكل من جوا بعد التطبيق

1- بعد ماطلعلنا الشكل بهذه الطريقه راح نتوجهه للخطوه الثانيه
2- وهيا انو نطبقها من الطرفين بشكل متساوي >> ممكن تستخدمي العلبه اذا تبغي
3-نستخدم المرسمه زي ماسوينا اول
4- نطبق الورق على شكل كيس ونحط في الجنب شطرطون > من الجهتين

1- هذا الشكل النهائي بعد ماحطينا اللصق ..
2- نجي ذحين نستخدم الخرامه .. نخرم خرمين جنب بعض فوق .. ونفس الشي في الجهه المقابله

اخيرا ممكن اننا نستخدم اشياء كثير عشان نخليها حبال الكيس

ممكن سلاسل
او خيوط
او ممكن لو كان عندكم كيس فيه حبلين تاخدوها وتحطوها

و هذا الشكل النهــائــي

يــارب يكون الموضووع عجبكم ..
واستمتعتوا فيــــــــــــــه ,, 🙂
وكل الموضوع هوا من مجهودي الخاص