عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
انا الحين متملله وماعندي شي وزوجي بره البيت قلت خلني بفضفض شوي من اللي صار من زوجي اليوم
السالفه ومافيها ياحريييييم
اليوم الظهر وبعد ان رجعنا انا و زوجي من العمل سألته ماذا تريد ان تكون نوع السلطة اليوم للغدا يعني!
قال لي سوي سلطة جبن وقمت بسويها له وخبركم راجعه من العمل وانا تعبانه والمفرووووض انا مااطبخ اصلاً لأن الزوجة شرعاً ليست خادمة بالبيت وخصوصا اذا كانت تعمل ..
المهم قمت اسوي هالسلطة ودورت على الجبنة ماحصلت في الثلاجة شي ..
وانا ادور وادور قلت بسأله وهو بيتنا اصلاً المطبخ في الغرفه ( تعبير مجازي يعبر عن صغر البيت)
وسألته وانا بمكاني قلت له فلااااان وين الجبنة ؟؟ لأن هو اللي حط الأغراض بالثلاجة أمس
وعمكم أصمخ … ولايرد وحقرني
انقهرت عليه وسكتت
ولما جا بعدين المطبخ ماقدرت اسكت سألته سلطة الجبنة بسويها لك والا لي؟؟
قال لي ليش ؟؟ انتي بعد تحبيها
قلت له يوم سألتك وين الجبنة وحقرتني وهالشي اللي قاعده اسويه عشانك مو عشاني
الا يقول لي اذا بتسألين هالمرة تعالي كلميني
قلت له وكل مرة اجي وأروح عشان أسألك خوووش ! وانا لما كلمتك ماابيك تجيني كنت ابيك تجاوبني وانت مكانك و مرة ثانية اذا بسوي لك شي المفروض تقدر هالشي ..
وبعدييين لما حطيت الغدا قام يااااااااكل كأنه مجاعة افريقيا ملهوووووف ..
ويكلمني ولاكأنه مسوي شي
أيها الرجااال ياللي ماتنعطوا وجه قدروا حريمكم على الأقل لو بكلمة شكرا اويعطيكي العافيه
مو كأنها حماااارة لكم وتكررررف ليل ونهار وتشتغل عشان تساعدكم في مصاريف البيت
وفي النهاية يطلع منكم النكراااااااااااان للجميل ومايملي عينكم اللي نسويه عشانكم حتى لو كان على حساب راحتنا
