قصة ولادتي ~المغآمرة الحقيقية~

يسعد اوقآآتكم يآاحلى فرآشآت..
طبعآ الحمد لله ليآ تقريبآ اسبوع طلعت من تجمع الشهور الاخيرة بآلسلآمة وعقبآآل الكرآريش كلهمـ

وحبيت اكتب لكم قصت ولادتي اللي مآحنسآهآ طول عمري..

اول شي انا سآكنة في مكة واهلي بجدة.. ويوم الخميس 6/2 جيت لاهلي عشان اختباراتي واول اختبآر ليآ كآن يوم الاحد 9 /2 ..
ومن يوم الخميس كآنت تنزل عليآ افرآزآت لزجة الله يكرمكم لمآ سألت الفرآشآت هنآ بالمنتدى مآقصروآ وقآلوا ان هذي سدآدة الرحم وانه علامة لقرب الولآدة,,,
كنت شآيله هم اني اولد قبل الامتحآن بس بنوتتي شطووورة خلتني اختبر اول اختبآآر..

وبعدهآآ تبدأ الاحدآآث..
في فجر الاثنين بدأت مغصآآت قوية تجيني وكل البيت كآن نآآآيم.. وانا اتعصر من الالم ..
دقيت على زوجي وقلت له ترى شكلي اليوم ح ــأولد قال خليكي معآيآ على اتصآل ولو رحتي للمستشفى اعطيني خبر..
انتظرت ليين مآجآ موعد روحت اخوآني على مدآرسهم وقلت لامي ترى المغصآآت ذبحتني قالت احسبيلهآ اذا كآن بين كل مغصة والثانية خمس او عشر دقآيق معنآتهآ ان الولآدة قرريب وجلست احسب وطلعت فعلآ المغصآآت اوقآتهآ متقآآربة..
قآمت امي الله يعآفيهآ سوت لي حليب مع قرفة وعسل وزيت سمسم ودهنتي ظرهي بالفكـــس وقالت خليكي لانستعجل وجآبتلي تمر ربي يجيب لهآ الخير يآآرب ومآيحرمني منهآ..

وزآآد الالم معآيآ قلت لامي خلآلآص مآني قآدة اتحمل وطلعنآ من البيت السآعة 10 الصبآح كلمت زوجي وقلت له ترى انا خآرجة للمستشفى وقآل مسآفة الطريق وانا عندكمـ..

رحت للاطبآء المتحدوون ودخلت على الطوآريء بصرآحة المستشفى فآآآشلة حتى الطواريء اللي المفروض على طول يشيلوكي لا جلست انتظر لين مآفضي سرير ودخلوني وجآت دكتورة وكشفت عليآ قآلت الرحم 1 سم ولسه قدآمك وقت على الولآدة..
بس قبل كل شي بنتطمن عالبيبي وبعدهآ نقرر اذا نجلسك بالمستشفى او تطلعي .. قلت اوكي
ركبولي جهآز التخطيط وكآن االالم محتمل.. المهم جآ زوجي وهو مبسوووط فديتوو ..

الا جآت الدكتورة حمديه وكشفت عليآ السآعة 12 الظهر وقآلت مفتوح 2 سم ولازم نطلعك غرفة الولآدة لجهآز التخطيط الكبير..
وقبل لااطلع امي شربتني عصير برتقآل وزيت خروع وبعدهآ شالوني على غرفة الولآدة السآعه 1 ونص الظهر وجلست في الغرفة انا وامي وزوجي الى السآعة 4 ونص العصر وانا اتأألم جات الدكتورة حمديه الله لايوفقهآ وكشفت قآلت مفتوح 3 سم وقالت لي لازم افتح المويه انا اتجننت قلت لهآ لا مآادري ليش خفت وبالقوة الين مآرضيت وفتحت المويه.. وشآفت جهآز التخطيط واخذت زوجي على جنب وكلمتو بعدهآ صآر زوجي مو على بعضوو وصآر يأشر لأمي من بعيد الا امي قالت بصوت مسموع لا مآتحتآج قيصري انا لمآ سمعت طآري العملية اتجننت وصرت اصرخ بكل صوتي زي الاطفآل مآآابى عمليه

و الدكتورة تقول قرروا بسرعه عشان انا عندي حآلات كثيير وهي تمشي قدآآمي وبيدهآ المووس الله يكسر ايدهآ رعبتني فوق مآانآ مرعوووبه..

الا امي قالت احنا بنطلع من المستشفى حسيت ان الدكتورة طلعت عينهآ من القهر وقالت انا ماعندي استعداد تكون عندي حاله خطيرة ياانكم توقعوا على العمليه ياتشوفوا دكتورة غيري

في هاللحظة دقيت عل دكتورتي اللي اراجع عندها في مكة وانا ابكي ومنهآرة قلت لهآ ان الدكتورة تقول لازم عمليه لان نبض الجنين ضعيف والمويه صآرت قليل ربي يسعدهآ دكتورتي صارت تقولي انا سامعة النبض كويس لاتقلقي نفسك ولاتخافي..
وسألتهآ هل في خطورة لو اروح مستشفى ثآنية وسألتني كم الرحم فآتح قلت لهآ ثلآثة طمنتني الله يسعدهآ وامي اقنعت زوجي بالغصب الا نطلع لانو كآن رآفض وخآيف عليآ وعلى البيبي..

بعد مآآاقتنع قال انا بجيب السيارة عبال ماتجهزوا..
شالوا عني الاجهزة والابر ونزلوني وانا منتهيه ركبنآ السيآرة انآ بموت من الالم وامي الله يسعدهآ قآعده على اعصآبهآ وزوجي حبيبي شفت فـ عيونو الدمووع وكآآن مآشي في الخط طآآآير لينن مستشفى بقشآآن ودخلت المستشفى الساعة 7 على الطواريء وكشفت عليا الدكتورة قالت كل شي تمآآم والرحم مفتوح 4 سم دحين نطلعك على غرفة الولادة..

وفعلا طلعوني غرفة الولادة وركبولي جهاز التخطيط وابرة المغذي واعطوني الكمآآمة وآآآه يآعمري عالكمآآمه حبيتهآ من اول شفطة 😆 🙂

ومن اخذت الكمآمة هلوست وصرت اخبص في الكلآم حتى كنت اسمع زوجي وامي يضحكوا عليآ لانهم كانو معايا بالغرفة ..

اتذكر كآن في مبآرآة واسمع صوت تصفيق وتشجيع صرت اقول الناس في النآس الا القآبلة تضحك عليآآ تقول يآحليلك تنكتي فـ وقت زي هذآ..
المهم مع الكمآمة انآم واصحى واشوف مرة زوجي عندي ومرة مي واسمع الدكتورة فتح 6 وبعدها 7 المهم وانا انام واصحى الين مآجآ وقت الجد الا اسمع الدكتورة والممرضات دفي دفي وحآولت مليوون مرة كل مآجآ المغص ادف مآفي فآيدة
مآعآد فيني قوة ادفع..لين مآجآت الممرضة وضغطت على بطني ومااظنها ضغطت الا نطت فوق بطني وطلعت للدنيآ احلى جنى بالكوون الساعة 11.20

لمآ طلعت حسيت انهآ طلعت من وسط قلبي فديتهآ لفوهآ وجآبوهآ عندي بستهآ ونزلت دموعي من الفرحة بشوفتهآ..

وجآت الدكتورة وخيطتلي والحمد لله وبعدهآ نزلوني للغرفة وانا سآآلمة..

وبعد مآاتطمنوا زوجي وامي عليآ اكتشف انو السيارة مفتوحة لا وانسرقت بس الحمد لله اهم شي اننا سالمين..

حبيبآتي الفرآآشآت من اللي صرلي عرفت انو..
* الحامل اللي تنتظر ولادتها لاتستعجل على نفسها وتروح بدري ولو تبغى تروح ماتروح الا وتحس ان الالم ذابحهآ..
* الصدقة تدفع البلآء,, اللهم لك الحمد والشكر نجيتني من الولآدة القيصريه..
* احذركم احذركم احذركم من الدكتورة حمدية لانو ماعندهاالا الولادة القيصرية وماعندها صبر حسبي الله عليهآ..
* بعد ماجربت الولادة عرفت كيف امي تعبت فيآ ربي يخليهآ ويسعدهآ وربي لو سويت مآسويت ولو عشت عمري مرتين مآبوفيهآ حقهآ الله يقدرني على برهآ وتمنحني رضآهآ يآرب..:D

وهذي قصتي وسلآمتكمــ 😈