اختفت حياتي

السلام عليكم فراشات كيف الحال؟
بدخل بالموضوع على طول انا صارلي سنتين متزوجة و الحمدلله عندي ولد عمره 5 شهور احب زوجي و زوجي يحبني و اللي يشوفنا يقول حياتنا مثالية و الحمدلله يعني ما في مشاكل بيننا بس المشكلة فيني انا.احكيلكم كيف… اولا انا وحدة طموووووووووحة وعندي احلام كثييييييير نفسي احققها واولها نفسي اكمل تعليمي الجامعي و ثاني شي اجتماعية واحب الحياة جددددددددااااااااا و احب الناس لدرجة ان متعتي اكون بمكان فيه ناس كثير ما ادري احب اشوف الحياة من حولي و الناس و الحركة وابتسامات الاطفال صراحة متعةز
المهم اني من يوم سافرنا انا و زوجي و انا احس ان حياتي انتهت وما عاد لها وجود يعني لاني قادرة اكمل تعليمي ولا لي صديقات ولا اشوف احد غير زوجي و ابني الله يخليهم لي و صرت على حالي هذا سنة و شوي لحد ما اكتئبت و صرت ما احس بطعم الحياة حتى علاقتي بزوجي صارت جافة و اللي يزيد الطين بلة اني من يوم ولدت و انا اعاني مع جسمي و الوزن الزايد و اسوي رياضة وما اشوف نتيجة مما زاد من حالتي ثقتي بنفسي راحت احس اني جاهلة و غبية و مو حلوة وما لي هدف غير اني اكمل حياة زوجي و ابني يعني عايشة عشان ارضيهم و انا مالي وجود بينهم.
على فكرة انا ما ابين لزوجي كل اللي فيني عشان احس انه مو ناقص همي فوق همومه.
انا شكيت لكم حالي لان مالي حد اكلمه غيركم بع الله سبحانه وتعالى. يا ريت الاقي عندكم حل يطلعني من اللي انا فيه.
مشششششكوريين