سحرتني شغالتي الحبيبه:::::

بسم الله الرحمن الرحيم

السلام عليكم ورحمة الله وبركاته

*

الحمدلله والصلاة والسلام على حبيبنا ونبينا محمد : صلى الله عليه وسلم ..

حبيباتي الفراشات حبيت انقل لكم تجربتي حتى تستفيدون منهاوالله ان قصتي حقيقيه ولايوجدبها زياده

اونقصان ولكن لي طلب بسيط اقرائي قصتي كامله وماراح اقولك ردي على موضوعي تكفيني القراءه

والاستفاده فقط لاني والله احبكي في الله .

في يوم من الايام تمنيت يكون عندي شغاله لاني كنت مريضه ماقدراشتغل في بيتي كثير وزوجي كان

معارض بس بعدالاحاح وافق بس بشرط يجيب وحده لمدة شهر وافقت على طول اهم شي تريحني لوشهر

جلست اطلب ربي انه يجيني وحده تخاف الله فيني وفي عيالي مهما كان هذي انسانه غريبه وبتدخل

حياتك ادعي ربي الليل والنهارواستغفر واقول يارب تجيب لي وحده مسلمه وايمانها قوي وتحافظ على الصلاة

وتحب عيالي وتالف بيني وبينها وتجعل بيننا الفت الاخوات المسلمات ادري بتقولون كل هذا علشان شغاله

ايه والله علشان شغاله وهذا اللي صار معي لاني موقنه ان الله ماراح يخذلني ولايخذل من يطلبه المهم قال

زوجي فيه واحد اعرفه يجيب شغالات بالشهر وفعلا جات الشغاله اول ماشفتهاقلت : اللهم اعطني خيرها

واكفيني شرها واكفهاشري وحببهافي عيالي وحبب عيالي فيها : وجلست تشتغل مع الايام شفت فيها

الطيبه والشغل النظيف وقلت الحمدلله هذا من فضل ربي بعد فتره قالتلي انها جايه من خمسه شهور عند

ناس ولاتبغاهم لانهم مايعاملونها زين وتبغى تكمل السنتين عندي وقتها فرحت ووافقت عرفت ان الله مايخيب

احد وفعلا جلست سنتين وشغلها روعه اتعب وانا امدحها وحتى عيالي يحبونها ويحترمونها وهي تحترمهم وكانها

وحده من العائله واذا شفت شي مايعجبني ماقول ليش بس هي تعرف انه مااعجبني وتخليه وطبخها جنان

مع اني مااحب طبخ الشغالات بس اعجبتني نظافتها واطمأنيت لهاوخاصه يوم اشوف حرصها على الصلاة

قيام الليل واذاصمت الايام البيض صامت معي وايام الست من شوال وعاشوراء ماشاء الله عليها كبرت في

عيني اكثر ولماكملت السنتين قالت ابغا اكمل سنتين واناعاد ماصدقت اكيد وافقت وجلست عندي سنتين

ثانيه واربعه شهور وكل سنه احسن من قبل وكل قرايبي يقولون من وين جبتيها هذي مافيه مثلها واقولهم

الله جابها اناماجبتها والله ياخوات لونلجآ لله في كل مطلب نطلبه حتى لوكان بسيط الله يرزقنا فوق ماطلبناه

واكثر ويبارك لنافيه طبعا اختي في الله نعم اقول اختي لانها مسلمه وتعبدالله ونبيها محمد : صلى الله عليه

وسلم : سافرت وتركت لها بصمه رائعه في قلوبنا وحق علي ان اثني عليها لانها تستحق الثناء

طبعا بتقولون وين السحر طيب ووش الفايده من قصتك هذي بقول لكم انها سحرتني باخلاقها وطيبتها

وتعاملها الديني قبل كل شيئ حبيت اقول لكم الجانب المشرق في اخواننا المسلمين من جميع الجنسيات

وخاصة الخدم فيه منهم الطيب والرديئ مثلنا تمام بس قبل تجيبينها اطلبي الله يرزقك من يخاف الله فيك

وفي بيتك واولادك والله مايخيب احد واختم بحديث المصطفى : قال ،صلى الله عليه وسلم ..

احفظ الله يحفظك احفظ الله تجده تجاهك إذاسألت فاسأل الله وإذا أستعنت فأستعن بالله وأعلم أن الامه

لواجتمعت على أن ينفعوك بشيء لم ينفعوك إلابشيء قدكتبه الله لك وإن اجتمعوا على أن يضروك بشيء

لم يضروك إلابشيء قدكتبه الله عليك رفعت الاقلام وجفت الصحف“رواه الترميذي ..

*

اتمنى تستفيدون من قصتي منقول من قلبي لقلوبكم ..