عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ادري طولت عليكم بكتابة قصة ولادتي بس ان ماكان عندي نت
واشكر كل من دعا لي بتسهيل الولاده ودعيت لكم جميعا
0جلست يوم الخميس تاريخ 17-11الظهر وكان معي اسهال
متواصل واحس بالم خفيف وتغدينا وطلعت مع زوجي واطفالي نتمشى
ودخلنا محل اسواق وشريت لاطفالي العاب وللبيت بعض الاغراض
ورحت لبيت اهلي وجلست معهم وتعشيت معهم واحس بالالم خفيف
ودخلت للحمام ونزل مني ماء مخلوط بدم قليل وعرفت انها علامة الولاده
واخبرت امي قالت لا عادي وانا كان عندي ياس اني اولد زهقت لان من يومين
جاني الم وتوقعتها ولاده وبعدين برد صار طبيعي
المهم اتصلت بزوجي جوال وهو رايح لزواج وقلت له لايتاخر لاني ابي اروح للمستشفى
وتعشيت مع اهلي وامي راحت لعزومه مع اختي وجلست مع اخواتي وانا رايحه
جايه على الحمام واتمشى بساحة البيت واقرا الزلزله وايات قرانيه واكرر الصلاه على محمد وجلسو اطفالي معي ونام ولدي والبنت ظلت بجنبي منبطحه معي
والساعه 11 جا زوجي ورحت لمستشفى الولاده وسويت كشف وقالو الرحم مفتوح
3 سم ومافيه طلق اذا تبين تتنومين اوتروحين وترجعين وشاورت زوجي قال عادي انا بظل صاحي
ماراح انام للصبح روحي ونرجع وكلمت امي قالت تنومي افضل تكونين تحت رعاييتهم خاصه ان الرحم :Pمفتوح وانا الجنين مرتفع مو نازل بالحوض طبيعة حوضي كذا ماينول الجنين الا وقت الولاده بالدفع
وتنومت وحطو جهاز التخطيط ومافيه طلق قالو راح نخليك بغرفه ثانيه تاخذي راحتك وتتمشين حتى يحمى الطلق واستغربوا ان الجنين مو نازل فهمتهم ان طبيعة كذا بكل حمله قالت الدكتورة راح
انادي لدكتور يشوف حالتك وقال الدكتور انشاء الله ولادتك طبيعيه لانك معيده ولما يجيك طلق
راح نحط بالمحلول ادويه تحمي الطلق ابرة تزجير وظليت اتمشى بالممرات لما جا الظلق
وجابو لي فطور وجلست اكل وحمى الطلق ومااقدرت اكمل وركبو لي المغذي وحطو ابرة
التزجير وحمى الطلق وانا اقول لهم ووني لغرفة الولاده قالو خلاص قرب ينزل بالحوض
وانا احس كان جبل ببطني عند نزول الجنين للحوض والالم يموت ➡ وفتحو كيس الجنين وقرب الراس
وودوني لغرفة الولاده وظليت ادفع والدفع كان بارد جدا معي قالو لي الجنين كبير يمكن 4 سم
فيخرج بصعوبه وسوو لي جراحه من الجهتين واستخدموا قسطره للمساعده في نزول الراس
ونزل نص الراس بالحوض وبردت الطلقه وريحت شوي وانا اقرا الزلزله وادعيه لتسهيل الولاده
والانشقلق وبعض الايات وادعو للمؤمنين والمؤمنات ولاطفالي وحسيت بالطلق قوي ودفعت بقوة قالو يلا
ماما الراس بيطلع دفعي بقوة ودفعت بقوة وطلعت بنتي الحبوبه 😉 وارتحت مرره ونظفوها وخيطو ا الجراحه
بعد التخدير الموضعي بالابره لكن احس بالالم فحطو مخدر ثاني بودرة والدكتوره اللي اشرفت على ولادتي
وخيطت الجراحه دكتوه سعوديه اسمها احلام كانت قمه بالاخلاق والحنان لما كانت تخيط الجراحه
كانت تقول لما تحسين بالم قولي لي واتوقف حتى ترتاحين واعطوني البنوته 😡 وحضنتها وشكرت الله على نعمته لي بها وعلى سلامتها ورحت لغرفة الاستراحه
واعطوني فطور وفطرت ورحت لفوق بالغرفه مع احلى بنت اسيل عمري يارب يخليها لي 
