طـلقـني والسبب ..!!

ماأدري من وين أبدأ متحطمممه نفسيا ع الآخر آكتب وأنا أبكي
دايم أسمعهم يقولون الهيون تعور من كثر البكي وكنت أستغرب كيف تعور
اليوم عرفت شلون تعور العين من البكي ..

حسيته متغير مرره معي مو هذاك اللي يحب يجلس معي ويلزم علي إذا جيت بروح أجلس
ماأحسه يحبني هذاك الحب زي أول متغيرررر متغير مره مره
عدى اول يوم , جا ثاني يوم اللي هو اول يوم بالعيد
وطول اليوم كان برى من الصباح ماشفته إلا يمكن 5 دقايق جا بيت اهله وكنت عندهم وطلع
رحت لبيت تشيكت وتظبطت طبعا بيتي ماكان فيه طلبات
توقعته بيجي وبيقول تعالي نتعشى او يجيب معه ونسهر ونجلس مع بعض
بس للأسف !!
آستبطيته حسيته تأخر دقيت عليه وقلتله وينك ؟؟
قال أنا عند أهلي !!>>هالحين توني جايه وهو مسنتر عند أهله
عديتها وقلت طيب بتجي قال بتعشى عندهم وبجي أنام؟؟>>ولا همه الجدار اللي منتظره بالبيت
ماقال بشوف هي تعشت ماتعشت ماقال توها جايه لازم أجلس معها ماقال طول اليوم وانا برى
جا وكنت زعلانه ولا كلمته وكأنه كان داري انه غلطان طنشته وراح ينام
مشت الأيام وكلمته , لاحظت عليه مايجلس معي بالبيت يصحى من النوم يروح شغله مايرجع إلا وقت الغدا
يتغدا وينام او يطلع شغله او يروح عند اهله ويقول خل نروح لهم اما اه يجلس معي لا
وكنت ازعل بس خشيت هالشي ولابينت له
جا يوم وطلبت منه اغراض للبيت ورحت معه كان حزة المغرب قال انا بنام بعد العشاء مباشره تعبان وابي نومي ينتظم وماادري وشو قلت اجل تعال ودني قبل تنام رحت وقضيت ونقصني اشياء
اذن وأنا مالقيتها بالمحل فرحمته قلت خلاص مو لازم خلها بكره الحين خل نروح البيت
رحنا البيت طول الطريق وأنا أقوله وش اسويلك عشا اقعد معي اسهر معي ويقول مابي عشا
ابي انام بس تقولون اشحذذه يجلس معي !!
يوم وصلنا البيت اتصل عليه واحد وعزمه لعشا قال خلاص ابشر جايك انا انصدمت وفتحت فمي
شافني وقال خل اروحله سبق عزمني ورفضت قلت الحين انا اترجاك طول الوقت وتقول مابي وتحجج بالنوم ويوم اتصل هذا ع طول بتروح له صار هو احسن مني؟؟ صار افضل مني؟؟
وتهاوشنا هاك اليوم وقال خلاص ماراح اروح له قلت خلاص ماينفع رحت او جلست اهم شي طلع اللي بقلبك لي وبس وتبينلي كل شي ..
جلست 3 ايام مااكلمه ابدا ولايكلمني لأني قلتله اعتبرني جدار فالبيت لاتحسبلي وجود
والظاهر اني جدار من يوم رجعت..
جا امس راحتله الشغاله تبي بطاقه عشان تكلم اهلها قال ليش ماما ماعندها رصيد قالت لا
قال خلاص خذي فلوسك راح وشرى بطاقه تحويل رصيد وكان جوالي يشحن اصلا مادريت عنه
جا وقال جت البطاقه قلت ماطلبت منك بطاقه قال الشغاله تبي تكلم اهلها وحولت لك قلت ماطلبت منك
خلها تكلم من جوالك قال جت ولا لا قلت ماطلبت قال أصلا وش اللي بينا ؟؟
تراني صبرت عليك بما فيه الكفايه ماعاد اتحمل منك شي ترى
أنا عاد حساسه بالحيل بكيت وقلت مو انت تقول اني مقيدتك ماتروح ولا تجي وانت طول اليوم برى
مو انت تقول حارمتني من ابوي وامي خلاص شتبي فيني روحلهم قال ايه مقيدتني ايه حارمتني ايه
قلت باللعنه قال تراي متحملك لاتقولينها ماصرلك زين قلتها مره ثانيه وثالثه فقالي تراك طالق
كان الوقت شوي متأخر فقلت ودني لأهلي قال انقلعي
هو عارف آن ماعندي أحد اتصل عليه يجي ياخذني وخصوصا بيتهم عن بيتن اهلي بعيد
راح وقال لأمه إلا يوم جت وقالت انتي اصلا ماتحترمين ولدي كأنه الرمره وانتي الرجال
وانتي وانتي والله يوم قالته بكيت دريت انها اللي معبيه راسه وشايشته
لانها مو مريحها اني استقريت في بيتي وصرت اطبخ فيه وصرت اجلس مااقعد عندهم زي اول
وهي تقول انه يشكي علي منك فدريت انها بتقوله انت المره وهي الرجال ومن هالحكي
ماأحب أطول أكثر من كذا ..
أنا عارفه أنه بيرجعني بس أنا ماأبي خلاص طاب خاطري منه
جرحني جرح بعمري ماأنساه .. حسبي الله ونعم الوكيل على من كان السبب