عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم :::
حبيتكم تشاركوني أكلة مصرية بسييييطة أوي بتبقى حلوة في العشا و الفطارو حتى في السندوتشات و هي العجة … 😆 🙂
بس المرة دي عجة البطاطس و البيض و يا رب تعجبكم و صدقوني طعمها حلو أوي على ضمانتي و الأولاد بيحبوها
المقادير :
2 بصل كبيرة أو 4 بصلات صغيرة .
2 حبة طماطم متوسطة الحجم .
2 أو 3 بيضات حسب الرغبة .
ملح و فلفل و بهارات حسب الرغبة .
حزمة بقدونس و شبت صغيرة .
3 حبة بطاطس كبيرة أو 7 حبات بطاطس صغيرة .
الطريقة :
الأول خالص أحط البطاطس تتسلق في مية و كمون و شوية ملح …
بعد كده أبدا على بركة الله خطوات عمل العجة السهلللة …
1- نقطع البصلتين مكعبات و تشوح في قليل من السمن أو الزيت حسب الرغبة لحد ما تصفر و نتبعها بالطماطم مقطعة مكعبات صغيرة أويييي.
2-بعد ما نقلب ننزل عليهم بالخضرة مقطعة جيدا و البطاطس المسلوقة بعد هرسها و البهارات ..
3- نقلب كويس و آخر حاجة نطفى و نضيف البيض بس ناخد بالنا نقلب كويس كل المكونات عشان البيض ميقلبشي زي البيض المقلي بفعل الحرارة ..
4- بااااس حطيها في الفرن على نار هادية لمده تلت ساعة كده تقريبا و طلعيها و قطعيها حسب الرغبة
و بالهنا و الشفا 😀
