مرت اخوي وش الحل معها ..؟؟

ابي منك حل من مرت اخوي …
هي صراحه كثيرت سوالف بشكل مو طبيعي اذا جت ببيت اهلي احنا ساكتين وهي تسولف وتنقل لنا اخبار الربع كلهم وسوالفهم حتى اختها واخوانها ماسلموا منها تسولف عنها بحلو وبشين واحيانا سوالف مالها داعي يعني لو واحد منها فطس ضحك قالت فلان البارح فطس من الضحك بغاء يموت ….. يعني بصراحه تلوع كبودنا منها ومن كثر سوالفها ولا ليتها تسولف بالصدق …. لااااااااااااا لازم تزيد وتنقص وتحلي بالسوالف وتنسب السوالف لناس وناس هذا غير انها تنقل الكلام … وماتستر ع شي >>> اكيد اللحين فهمتوا شخصيت هالمخلوقه

المهم … بعد ماتزوجت يصير زوجي ولد خالها وبعد ماتاقلمت مع حمواتي وصارت ميانه معهم … قالوا لي اننا ودنا نقول لك شي بس خايفين تفهمينا غلط …
قلت لا عادي ..
قالوا … ان مرت اخوك تنقل كل حركه تصير عندكم في البيت وماعندها سالفه الا عمي وعمتي والبنات والعيال .. حتى تدقق في اتصالات خواتك مع ازواجهم وكلام خواتك عن حياتهم الزوجيه وتقول افلانه مستانسه وفلانه غير مستانسه وفلانه رجالها يحبه … و,,,, و….. و…..

يعني مثل ماتنقل كلام الناس عندنا تنقل كلامنا عندهم وتحركاتنا ..

ويوم قلت لامي وخواتي وحذرتهم انهم مايتكلمون بخصوصياتهم عندها ….
قالوا خواتي احنا نتفاجئ اذا سوالفنا رجعت لنا وكنا نشك فيها …. قلت ياحياتي ذي مو شك ذا أكييييييييد دام تتكلم عن اخوانها عندنا الي هم اغلى من عندها فأكيد تتكلام عنا عند بيت اخونها وغير اخوانها

وهي يابنات ضرابتها ميانه اذا جت ببيت اهلي تتجول في البيت عادي تتغتر عن اخواني وتتجول كنها صاحبت البيت يعني مانقدر ناخذ راحتنا الا اذا راحت تنام …

والمشكله ماتخلي الواحد يشك فيها لانها تحاول تكسب رضانا وماتتكلم عنا قدمنا الا بالخير وانها تحبنا وان الناس يحاولون يبعدونها عنا وهييييي رافضه لازم تزورنا دايم ورجلها ع رجل اخوي أذا زارنا …
وأحيانا تحسين ان قلبها طيب بس عيبها لاسانها ودك تقصينها نقل السوالف طبع فيها…

كرهتنا في ناس وأكيد كرهت ناس فينا ….. اذا هي ماتحب ناس قالت يقولون فيكم ويقولون ويقولون ليييييييييين تكرهينهم مع العلم انها مو ع كل حال انها صادقه يمكن انها تكذب.. 👿

ابي منكم يافراشات حل مع هذي الحرمه وش رايك فيها وكيف نتعامل معهااااا … عجزنا احيانا ننسى انفسنا ونسوي حركات او نتكلم ثم ننتبه لها انها موجوده ..

ولا مادرتوا هذي جديده زوجت اخواني العزابيه ➡ …ههههههههههههههههههه
نتكلم عندها بعفويه فلانه حلوه بنخطبه لخوي فلان درررررررررررررررررررررررررررررررر وصلت الخبر لاهل الحرمه
وهو مجرد كلااااااااااااااام سوالف وجهت نظر بس هي ……………..