عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاتة
اخواتي الحين بخبركم قصة ولادتي بالمختصر
طبعا ابو الشباب مسافر امريكا وهاااا الشى كان عامل اساسي في تعب نفسيتي بصراحة بس يالله
يوم الجمعة كنت معزومة عند الجيران والله ما كان فيني اي شى بس كنت احس بتغلصات بسيطة جدا
والله يوم اختكم شافت السفرة نست نفسهااا وكلت من خاطر يمكن الولادة تفتح النفس هههههه
وعقب ما طلعت رحت مع اخوي وزوجتة حديقة عشان يمشوني ( مدلعيني ) ولا كنت حاسة بشي
المهم رجعت البيت وكلمت ابو الشباب وقلتله الحين بنام قالي تحسين بشى قلت لا ولا تسالني
مدري من احد يسالني ما ولادتي تصيبني حاله من التوتر
المهم قمت الساعة 2 بالليل على تلفون زوجي يقولي مدري احسك في بالي اليوم منتي حاسة بشى
قلتله والله انك رايق ههههه حبيبي فديته
بعدهااا نمت نص ساعة وحسيت اني بتبول علةى نفسي مشدة الضغط
وما كان فيني شى .. رجعت ابي انام بعدهاااا حسيت بنفس الشى قلت لا السالفة فيهاا شى
رحت للحمام بس هالمرة نزل معاي دم بصراحة خفت وقلت خلاص ولادة ربي يسرهاااااا
كلمت زوجة اخوي ومسكينة ما قصرت معاي اكلت سبع تمرات وشربت ماي زمزم وتوكلت على الله
ورحت المستشفى الساعة 3 ونص الفجر دخلت قسم الولادة ولا كان فيني شئ والسمع الصلراخ
بس والله ما كنت خايفة شو السبب بتعرفون …..
فحصتني الدكتورة وكانت يدهاااا والله سهله ما حسيت فيهاااا قلت لي مفتوح 4 سانتي
قلت دكتورة ما فيه الم قلت الحين بحط الجهاز وبنشوف
المهم حطت الجهاز وراحت وقلت لي بعطيط ابرة تنامين بس راح تحسين بالوجع لما يجيك قلت ربي معاي
على الساعة 8 ونص جت قالت لي بفحصك واختكم كانت نايم والله ما كاني اولد
المهم قلت عندك وجع قلت بسيط يعني اتحمله قلت بس امبين في الجهاز عندك وجع استغربت والله يا
مب مصدقة للحين ولما كشفت قالت ولادة وتصرخ على الممرضة الثانية وانا في حالة من الاستغراب قلت لما يجيك الم شدي على تحت
جاني تغلصات بسيطة وقمت اشد واشد وانا بخاطري ادعي لزوجة اخوي ان ربي يرزقهااا لانهااا ما حملت
من سبع سنوات وكانت في كلمة كنت ارددهااا طول بقولكم عنهاااا
والحمد لله ولدة عمر فديت عمرة ….
والحين بقولكم شو كنت اسوي
كنت اقيم الثلث الاخير من الليل وادي كل اللى بخاطري
اكل 7 تمرات كل يوم
اشرب ماي زمزم وارش على بطني وادعي
بعد كل صلاة كنت اقرا كتاب السبع المنجيات والله ان له مفعول عجيب بعد الله سبحانة
وكنت دائما اقول (((( اللهم اجعل ولادتي برد وسلام على )))) وهالشى اللى برد الوجع عندي
والله العظيم يا بنات الحمد لله يا ربي مع اني كنت خايفة من الولادة موت بس ربي كريم ورحيم بعبادة
رددي دائما اللهم اجعلهاااا برد وسلام على والله راح يكون معاج
والله يسهل عليكم وتقومون باالسلامة ونفرح كلنااا مع بعض
اختكم امل
