قصة ولادتي بحبيبي راكاني :)

..

حبيباتي الفراشات .. رجعت لعيونكم بقصة ولادتي بحبيب قلبي راكان وي فديت قلبة

طبعا” فراشات التجمع في الشهور الأخيرة عارفين معاناتي .. من الى وللي مااتعرف بختصار
رحمي يستهبل مرة يفتح ومراا يقفل خخخخ

على قولة (( عذبة )) يلعب فتاحي يااوردة سكري يااوردة 😎 ..

المهم : تبداء قصتي من يوم الثلاثاء 26 /10 /2010 م .. كانت الدكتورة سهير في مستشفى بروكير الرعاية
بالخبر محدده لي موعد ولادة متوقع في هذاا اليوم ..
ورحت الموعد وانا كلي امل انها تنومني وتقول خلاص .. ولادة .. وطوال الطريق زوجي يعلق علي ويقول
بيقولون لك (( انسدحي نفتح بطنش )) <<<—- متأثر مراا بمسلسل بيني وبينك

وانا ساكته ومستعده للصدمة وكنت حاسة انها بتقول لي مافية ولادة اليوم .. لانها مقررة في حال ماافتح الرحم بتعطيني طلق صناعي يوم السبت ..
وتولدني لان معاي سكر حمل .. وقتهابكون تميت 40 اسبوع

قمت كرفت وساعدت الشغاله في البيت قلت اتحرك على وعسى يفتح الرحم لانه بموعد من المواعيد

1ســـم _ ثم _ 2 ســــــم _ ثم _ رجع سكر الى 1ســـــم
وعلى الرغم من كل محاولاتي الفاشلة مشي يهد الحيل .. 2 ساعه باليوم
شربت قرفة لين احس معدتي احترقت ..
جماع …. الخ

😛 ومافية فااااااااااااااايدة .. والظاهر ماله الا كلمة السر (( افتح ياسمسم خخخخخخ ))
طلعت الصبح مع زوجي للخبر .. وودعت عيالي وبنات التجمع وطلبت الكل يدعي لي
وسلمت على خالتي ام زوجي ووصيتها على عيالي ..
نزلت بشقق مفروشة اسمها مارسين .. وزوجي راح للدوام وجاني على الوقت 11ونص موعدي وكنت وقتها متزبطة ..:D… 😆 idea:

كشفت على الدكتورة وانا متحمسة وماسكة اعصابي .. وقالت لي خلاص يابنتي قومي وتعالي لي يوم
الجمعه في الليل تنويم والسبت ابداء معاكي بالطلق الصناعي

وانا تحطمت تحطيم …

وطلعت من العيادة اجر اذيال الهزيمة :P.. ونفسيتي صاارت زفت مااااااااابي الطلق الصناعي مجربته
وعاارفة انه عذاااااااااب نفسي والم غير طبيعي .. 😉

كسرت خاطر زوجي وقال تعالي نتغداء بأي مطعم من غير العيال
ورحت تغديت .. ورجعت بكرشتي مهزومة خخخخ ..

واستحيت ادخل التجمع .. واستحيت اسلم على خالتي وانا بكرشتي

جاء يوم الأربعاء لا ألم ولا بطيخ .. والخميس .. جاني افراز بني على وردي وطنشت .. وعلى الفجر حسيت بنغزات عااادية لاتذكر .. ومعاه افراز اثقل من اليوم الي قبلة ..
وجاء يوم الجمعه .. وقررت اخذ عيالي امشيهم .. واغديهم والعبهم بماا اني بروح اترقد بالليل .. ومن صحيت الصبح الساعه 10 وانا احس بألااااااااام بس مش قوية ولا منتظمة .. وقلت امشيهاا كذا ولا كذا موعدي في الليل اصبر احسن ..

المهم : رحت اخذت عيالي ولعبتهم على الكورنيش وغديتهم بأبل بيز .. وانا هناك جاني الم قوي شوي :وطنشت واكل واحسة يجي ويروح ورى بعض 😆
ورجعت البيت 5العصر .. وكلمت اختي وقالت روحي احسن قلت لاء وش اسوي اصبر احسن ..
وعلى ماادخلت الحمام وانتو بكرامه الا احس بدم بسيط نزل وقلت اروح مستشفى الموساة بالجبيل اتأكد
واتصل بزوجي .. وقلت له السالفه وتوجهناا للمستشفى على الطواريء وكشفت الدكتورة

وقالت 😀 مبروك من 3_ 4 سم معقول مااحسيتي 😆 hy:
قلت لها لاء انا ابي اولد بالخبر .. قالت توقعي على مسؤليتك ومن المستشفى على طول للخبر
وقعناا ومشيناا وزوجي متردد خاايف اولد علية خخخخخخخخخخخ

وبالسيارة بدت الألااااااام تزيد وصارت كل نص ساعه وانا مااااسكة نفسي واشد بيدي وهو يقول هاا اوقف

الظاهر يبي اولد بمحطة خخخخ واقول لا لا كمل يالله نوصل … وعلى ماا وصلنا للخبر الاخ فوت اللفه حقت المستشفى وانا اللالم يزيد ويزيد
على هذا الكلام 6 ونص .. ووقفا بالاشارة 20 دقيقة مرت علي 20 سنه ..
واخيرا” على الساعه 7 وصنا المستشفى وعلى طول طوارئ ولادة .. استقبلتني ممرضه نيبالية ..الله يااخذهااا يقول لها زوجي وهو يدفعني بالكرسي ولادة تقول له خليهاا تقوم تمشي طيب ولادة مافية مشكله

حقدت عليها وربي كرهتها ودخلتني غرفة الولادة والفحص .. وقالت دكتورة سهير مافية موجود
يجي مناوبة الساعه 3 الفجر .. الوقت الي مفروض اتنوم فية

موجودة دكتورة ( سكينه ) .مناوبة

وموجودة دكتورة ( لمياء مدني ) استشارية .. ان كول

وجتني الدكتورة سكينه بعد ماجهزوني وسدحوني 😆 🙄 وكشفت علي وقالت ماشاء الله دخول خلاص ولادة الرحم فااتح من 4_ 5 سم 😐

حسيت بألانتصاار خخخخخخخخخخخخخخخخخخخخخ

وحطولي الأجهزة وقصطرة البول ولبسوني لبسهم

وبداء مشوار الرعب والأكشن الحقيقي الألم يزيد ويزيد .. ومع كل طلقة اتذكر من طلبني ادعي له
وادعي.. واقراء سورة الزلزله وفجأة تتصل امي 🙂 مو قتها ابدا” ابدا” لاني مخبية عليها اني رايحه اولد

وتهاوشني .. لية ماعلمتها وتجيني طلقة واقول ماادري ماادري خخخ وش الي ماادري مدري
والرحم على كل ساعه يفتح 1 سم .. وزوجي حبيبي معاي ماسكني وانواع التهزيء جااه وكم مرة طردته

واقول انت السبب الي انا فية خخخخ نسيناا ماكلينااا

وعلى الساعه 10 علق الرحم ورجع يستهبل عند 9 ونص ســــــم موراضي يفتح اكثر ولا كيس المويه نزل

وانا اتألم واون وادعي واسب واشتم خخخخ واطرد الممرضة النيبالية من اشوفهااا اعصب

وقررت الدكتورة سكينه تفتح كيس الموية .. وفتحتها وتركت يدهاا جواا واناا 😛 مااتحملت الألأم وقالت

مسكت راسة عنده شعر

وبدأو يرفعوني ويشمرون سيقاني في الشرق والغرب كككك ويقولون مع الألم خذي نفس وبوش
وانا اخذ نفس واسوي بوش بوش بوش وبين الراس وتمدد بيدها بس موراضي يطلع اكثر 💡

ونبضة بداء يضعف وقالت بتصل بالدكتورة (( لمياء )) شفط

قلت لها وسعي قصي قالت بقص وعلى مااتجي شفط ووانا اصيح مابي يشفطونه وخفت علية وقالت لي

يلاا اخر محاولة ادفعي وربي يسهل ان شاء الله تولدي .. واستجمع كل قواي واخذ نفس سحبت هواء الغرفة كله وادفع بكل قوتي ..ومااحس الا هم حاطينه على صدري ,, ويقولون 💡

على الساعه 11 ونص يوم الجمعه 29 /10 / 2010 م.. باقي له نص ساعه ويدخل العاشر خخخخ

وطالع فية وامسكة واحمد ربي الي خلصني وفكه من الشفااط .. واخذه وزوجي دخل بارك لي وراح

وراهم يشوفه .. وبداء وقت القص واللصق .. وتدخل لي الدكتورة (سهير ) وتقول لية نااديتوني مريضتي بتجي بعد شوي .. تقصدني خخخ وقلت لها انا عندك وخااطتني تجميلي داخلي وخاارجي

ومااقصروا معاي كلهم .. متعاونين وححبوبين مااعدا النيبالية

وبعد 3 ساعات طلعوني لغرفتي بعد مااتطمنوا علي .. وطاار النوم من عيني سبحان الله بس مااحس الا بألم بكل جسمي يقطعني ظهري ورجولي والخياط ..

وقلت للممرضة ابي الحمام .. رحت اغسل وجهي .. ولا اشوف بقع حمراء كثيرة كأنها عنقز

..الشعيرات الدموية

تفجرت بوجهي من قوة الدفعه الأخيرة .. بس الحمدلله الحين راحت ..

لي اسبوع من ولدت .. وراكان احلى العرسان مسهرني ليل ونهار الله يصلحه ويخلية هو واخوانه
وكان موعد بعد الولادة اليوم .. وفكت لي خيوطي وخاايفة يكون استعجلت عليهاا لاني شفتها كأنه ماالتأم
وخايفة اكون اتوسعت .. ونرجع نخيط من جديد

المستشفى رعاية .. اسم على مسمى

نظافة ممتازة 100%

الخياط مو عاجبني .. وبعد اسبوعين بترجع تشيك علية
وان شاء الله مااكون توسعت واحتاج خياط جديد

…

دعيت لكم كلكم والحمدلله وربي يسهل على كل التواسع