عالم البنات النسائي كل ما يخص المرأة العربية من ازياء وجمال والحياة الزوجية والمطبخ
هههههههههه ايه جيتوا تركضون ..
تحبون اللقافه ..
مساء / صباح : الخيرُ فراشااااات 😡
لاحظت بالقسم وانا احوس ومسنتره يوميا
ان كله امور لاتتعلق باللأمور الزوجيه ابدا ولا بطرق التعامل مع الزوج او اهل الزوجٌ
ليه طيب مانحاول نوصل رساله لكل متزوجه او كل مخطوبه او كل متوهقه بزوج عله
!!!
فقلت خلني اجرب اكتب بعض الأمور اللي ممكن تفيد كل متزوجه .. او مقبله على الزواج
صحيح فيه متزوجات من سنين بس نحس انها مو فاهمه الزواج صح ولا عارفه كيف تتعامل مع
هالزوج او تكسبه..
او كيف تتعامل مع ام زوج ” طيبه أو شريره ”
كيف يكون تعاملي مع ام زوجي الطيبه الحبوبه
وكيف اقدرها وازيد حبها لي
وارضي ربي وزوجي ونفسي وضميري في برها قبل لأرضيها …
وكيف يكون تعاملي مع ام زوجي الشريره
وكيف اتقي شرها واسخرها لي بأسلوبي ؟؟
واجعل منها من ام زوج شريره إلى ام زوج تحبني وتتغير نظرتها عني .. واغيرها للأحسن بدل
ماهي تغيرني للاسوء ” لانعامل السوء بالسوء ولا الشر بالشر ”
يابنات كثير مننا تفكر بالزواج لأجل امور سطحيه تافهه …
تبي الحريه .. تبي تاخذ راحتها ببيتها او شقتها .. تبي تلبس على كيفها .. تبي تسافر
من جد مو هذا الهدف السامي من الزواج
وتنسى انها رح ترتبط بحموله كبيره .. تتكون من ام واب جديدين او خلنا نقول عم وخاله ” اهل الزوج ”
وتنسى انها رح يكون لها اخوات واخوان جدد ” المفروض كذا على فكر نعتبرهم اخوه واخوات ”
وتنسى انها بيكون عمام زوج وعمات وخالات وخوال و و و و
والأهم !! ” بحياتي رجل وهو الأهم ”
وكلهم لابد نحط في بالنا انهم يبغالهم تعامل وبال رايق وخلق حسن وطيبه وعدم انانيه
خلونا نتكلم بصراحه مو صحيح كلامي ؟؟
انا ودي اتكلم عن كل شي وجايتكم انشالله بكيفية التعامل مع الزوج سواء عصبي او خوان لاسمح الله وعيونه زايغه او بخيل او او او
بس ابي اركز على بركة البيت والمكان …
* أم الزوج
وماادراك ماهي ؟؟
دائما يوضح ان ام الزوج وتصور بانها شرحبيل الشرير
ماادري ليش مسكينه
بقول كلمة حق بصراحه .. أم زوجك هي بركة زواجك .. لو رضت امك عليك اولا .. وام زوجك ثانيا ..
صدقيني يتبارك زواجك ويرضى رب الكون عليك .. حتى الزوج نفسه يحبك ويحطك على راسه
إلا من رحم ربي من الأزواج وهذا اعتبره مهب كفو الوحده تهتم لزعله ورضاه
بس تسوي الواجب اللي عليها اتجاهه وتحتسب الأجر عن رب العالمين
” من ماتت وزوجها راضٍ عنها دخلت الجنه ”
وام الزوج مهما كانت شريره إلا انك حاولي بقد ماتقدرين كسب ودها .. باي شكل من الأشكال ..
* أم زوجي طيبه :
كيف اتعامل معها وكيف اقدر طيبتها ؟؟
ياسلام لو كانت ام زوجك طيبه وحنونه وتعتبرك إلا بنت من بناتها ..
يانعمك ويابختك ..
بيصير لك مامتين ..
ماماتك + مامة زوجك ” ممتك الجديده “
يستحق وقتها تعطينها حنانك واحترامك لها
تستحق مبدلتها بالطيب والتقدير .. وهذا ترى مو شي ثقيل عليك إلا واجب
وكل بنت على ماتربت عليه
هنا تعكسين تربية اهلك لك
وقتها يقولون : أم فلانه ربت ”
بإيدك ترفعين راس اهلك وراس امك وابوك .. وبإيدك وقتها بتصرف منك وانانيه
تنزلين راسهم ويقولون ” ماعرف يربي ابوفلانه ولا ام فلانه ”
لأن انانيتك وقتها وشيطنك مرح تبان مرايتها عليك ..
كثر مرح تجرح امك وابوك
للأسف في بنات لاشافت ام زوجها طيبه تشتغلها وتهينها وتحقرها
اسمحي لي اقولك لو انتي منهم .. انتي ” X ”
وصفر عالشمال بمجتمعنا .. والله لاهي شيمه ولا فتولة عضلات .. وحرام عليك
لك اطفال قولي الله يصلحهم لايسوون بك زي ماسويتي ..
” الدنيا دواره وكما تدين تدان “
بس كيف اعاملها ؟؟
شفتي امك وكيف تعاملينا ؟؟ مثلها تمااااااااااام
هذي بشر وهذي بشر .. هذي ام وهذي ام
وخلك على طبيعتك معها
سولفي لها ودردشي معاها … ” البعض ماتسولف لأم زوجها وتعتبرها حاجز ولاتبي تقولها شي
ليه ؟؟ بالعكس ودها تتكلمين معها وتحس ان هالبنت مرتاحه لي كاأم وام زوج “
لاتحسسن ام زوجك ابدا ان بينكم حواجز تره امر مرررررررره مزعج …
وقبل كل شي تخيلي انك مكانها .. !!
وش شعورك وزوجة ابنك تبتعد عنك وتحسسك انك ماابي اقولك شي يخصني ؟؟
صحيح لكل حياه زوجيه اسرارها انا مأقول قولي خصوصياتك هنا نقول STOP
المقصد عامليها كأمك او صديقتك.. واجعلي منها دفتر لك وصندوق همومك …
ولكن ليس كل الهموم وليس كل المشاكل الزوجيه
استشيريها .. اجعلي منها دليل لك لأن لها خبراتها .. واكيد مرح تقولك شي يضرك او يخرب حياتك ..
تذكريها بهديه طيبه
وشوفي كيف ملامح وجهها تتغير وتحبك اكثر لما تتذكرينها بهديه بسيطه
مايهم قد ايش قيمتها
المهم تحس ان زوجة ابني انا في بالها وتحبني
BRB
Back
* اسكن مع اهل زوجي …
هنا وقتها في امور لابد من التركيز عليها .. هي بسيطه وامور عاديه ولكن لها الأثر الكبير
وترفع قدرك عندهم …
– رحبي فيها لأقبلت عليك او بوسي راسها ويدها …
– اجعلي لك دور في المنزل وكانك صاحبته .. ” مو بالأوامر والنواهي وفرض الأمور فرض ”
اعداد الوجبات الغذائيه ومو شرط كلها وتكرفين عمرك .. ولو صارت كلها مو عيب واجبك
اعداد يوم من الأيام اطباق حلى ..
اشتهي لأم زوجك طبق تحبه وحاولي تريحينها في اكلها …
فيها سكر او ضغط او غيره راعي هالشي …
* اسكن منفصله عن اهل زوجي ..
فيه امور برظو لو سويتيها وهي بسيطه مرح تاخذ منك وقت
رح تشفع لك وتقربك منها كثير ووتحبك
– اتصلي عليها يوميا تطمني عنها ” كلها مسألة 5 دقايق مهب لازم تهذرين نص ساعه “
– احضري معك طبق عند زيارتهم ومو شرط كل مره بس كبادره حلوه منك
– تذكريها بالهدايا حتى لو شي بسيط زي ماذكرت اول ..
– افقديها لاغابت عنك او كانت مريضه وحاولي مواساتها و طمانتها على صحتها ورفع معنوياتها
* ام زوجي شريره ..
كيف في هالحاله نعالج الموضوع ..؟؟
احسسسسسسسسسسن حل ” لااسمع لا ارى لااتكلم ”
انسي وتجاهلي واصفحي عن اي تصرف او كلمه تبدر منها مسيئه لك ..
صحيح الأمر مزعج في بداية الأمر ورح يخزنين طاقات سلبيه بداخلك … وقهر وألم ..
بس تحملي ومابعد الصبر إلا الفرج …
نهايتها بتحس انك بنت والنعم منك وانك لاتستحقين كل هالشي ..
وبالأخير بتكونين انتي الصالحه الطيبه وهي بتحس بشرها المشرشر وتستحي على وجهها
ويمكن انتي سبب من اسباب تغيرها مستقبلا وتبدل طباعها
في نظريه روعه وانا أؤمن بها ” لايعالج الشر بالشر والخبيث بالخبيث “
بل ” يعالج الشر بالخير والخبيث بالطيب ”
بصور لك مثل …
الأسد مافي اشر منه ولا اشرس .. ويقدرون يروضونه ..
الأفعى مافي اسم منها واخبث .. ويقدرون يروضونها ..
هذا وهم حيوانات الله يكرمكم ..
كيف البشر ؟؟ اللي له قلب يليــــــن بالكلمه الطيبه
واحتسبي الأجر عند الله
اهم شي ” حاضر , سمي , ابشري , من عيوني “
هالكلمات والله تلين الصخر ..
حتى زوجك بتكون نظرته لك غير
وحتى اهل زوجك بيحترمونك وهم يشوفون الفرق الشاسع بين تعاملك معها .. وتعاملها معك … من جد بيكون فرق ..
ولو لا قدر الله صار مشكله بينك وبينها او مشكله بينك وبين زوجك .. رح تلاقين كل البيت
واقف معااااااااااااك بسبب طيبك واحترامك
لأنك فرضتي احترامك عليهم كلهم بأسلوبك …
اما اسلوب وحده بوحده هذي ماتمشي
بترجع لك مع الوقت..
سوي لها الأكلات اللي تبيها + اعرفي اللي تحبه من اشياء وقدميها لها هديه
” تهادوا تحابوا “
الهديه مفعلوها عجييييييييب
يمكن لاجبتي هديه تقط عليك كلمتين مو حلوين او تنغز وتلمح بالكلام
فأنتي” قل خيرا او اصمت “
لو تحسين انها من النوع اللي لارديتي تزيد وقفي لاتردين عليها حتى لو رد يجرح
ولا حتى تقولين ” جزاك الله خير” هالنوع من الأمهات ..تثور وتحس الكلام الموجه لها تغز او مسبه او تلميح
اسكتي احسن
وان كانت من النوع اللي يسكت من كلمه ولا يرادد او يفسر غلط وقتها ردي بكلمات حلوه
” جزاك الله خير .. تمونين .. افداك انا “
منقول للا فادة
