عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اللهم لك الحمد حتى ترضا ولك الحمد اذا رضيت ولك الحمد بعد الرضا
بكتب لكم قصة ولادتي لاني وانا حامل كنت استمتع بقصص الولاده ما ادري ليه ههههه يمكن لان نهاياتها دايم سعيده الله يرزق كل محرومه بالذرية
المهم قصتي من البدايه عوووووووشرت كالعاده واعطتني الدكتوره عشره ايام مهله بعد التاسع على اساس عندي تنويم يوم الاربعاء 16 11 طلق صناعي المهم كنت محبطه وانتظر يوم الاربعاء ومليت من الكرشه والثقل يوم السبت العصر كان زوجي بالدوام نظام دوامه شفتات قلت دامك فاضيه وذبحك التفكير بيوم الاربعاء قومي سويلك حلى علشان قهوة المغرب وسويت حلى السينابون وزي ما انتو عارفين الحشوه قرفه وكميه كبيره بعد <<< ❗ احم كاني طلعت من الموضوع ههههه
المهم تقهوية المغرب وحليت والوضع طبيعي ونمت الساعه 11 من خمس الفجر يوم الاحد بديت احس بطلق يروح ويجي بس ما قلت لزوجي لانه مل من كثر ما اتشكى وتحملت الالم وافطرت 7 الصبح وقلت برجع انام اذا جاني نوم اكيد مو طلق ولاده ورحت السرير ونمت قمت الظهر الوضع هادئ بس احس بثقل من تحت مو طبيعي كان فيه شي بيطيح حتى المشي ما اقد امشي زي تحملت حتى اذن العصر وانا احس بنفس الثقل هنا خلاص ما عاد قدرت اسكت على نفسي زوجي كان عنده دوام الساعه 5 العصر رحت وقلتله عن الي احس فيه ودموعي ما قدرت امسكها بكيت كاني طفله صغيره اقطع القلب هههه قالي خلينا نروح للمستوصف الي جنبنا تشيك الدكتوره عليك المهم راح لامه وقال لها السالفه وسالتني وقلت لها الي احس فيه قلت هذا بوادر ولاده بس شكلك ما فيك طلق ورحنا المستوصف وراحت خالتي معنا وشافتني الدكتوره وقالتلي مفتوح 3 سم هنا خفت قالتلي ما فيك طلق روحي للبيت امشي والفجر لازم تجين اذا ما زاد الطلق علشان نولدك صناعي لان مو زي تطولين لازم الليله ولاده وطقتني ام الركب
راح زوجي للدوام الساعه 4 ونص وانا بديت امشي انا ساكنه ببيت اهل زوجي والطلق يزيد بس على خفيف لما جات الساعه 9 قالي عمي امشي اوديك المستشفى قلت له بدري ما احس بالم قوي قالي المستشفى بعيده على بال ما نوصله يكون الطلق زاد وانا كنت ابي زوجي هو الي يوديني لانه بيطلع الساعه 11 المهم رحت مع عمي وخالتي وصلنا المستشفى الساعه 10 وركبولي تخطيط الطلق ساعه كان ضعيف والرحم للحين 3ونص من عصر لعشر ما فتح وجاني احباط مو طبيعي طبعا مستشفى قوى الامن حولوني على مستشفى المواساة طلعت من عندهم ورحت للمواساه وهناك زوجي جانا الساعه 12 اول ما نزلت الطوارئ انفكت السداده وجاني الم مو طبيعي حسيت ظهري فيه نار وودوني اخذ سونار والمويه انفكت كلها بغرفه الاشعه قمت الاحراج وودوني غرفتي على طول دخلت الحمام الله يكرمكم وامتلئ الحمام مويه غسلت جسمي وانا ما فيني حيل اوقف من الالم ولبست وحطوني على السرير وركبولي تخطيط الطلق الا فيني طلق وبعد ما نزلت مويه الراس توسع الرحم عندي وصار 5 سم ونص جاتني الدكتوره تشيك الا نبض الجنين صار ضعيف وقالتلي على غرفة الولاده لازم نولدك وااااااه ياني خفت قلت اكيد ولاده قيصريه وودتني على سرير الولاده واعطوني مغذي قلت للممرضه ليه قالت مغذي عادي وعطوني كمام بنج واو يا بنات يدخلك عالم ثاني ويخفف عليك الالم كنت اشفط منه لاين اهلوس هههه اذكر كنت اقول للممرضه سستر هذا واجد زين كاني سكرانه استغفر الله هههه
المهم الدكتوره ولدتني وانا 7او8 سم ولما طلع حبيبي ساعدني ان حجمه صغير طبعا اغمى علي بعد الولاده اطالع الممرضه وهي تنظف ولدي والدكتوره تخيطني وتسولف مع دكتوره ثانيه يحشون بدكتوره معهم بالقسم ولما خلصت خياط قلت لها دكتور انتي ولدتيني على 8 سم ليه قالتلي ما بدي اعرضك لعمليه قيصريه وانتي مسويه قبل والحمد لله انك ساعدتيني بالدفع
الله يوفقها هالدكتوره وجه يفتح النفس ما شاء الله والنفسيه حلوة وتعاملك بحنيه هي سوريه بس ما ادري ايش اسمها الحمد لله كنت دايم ادعي ريي انه يسخرلي من خلقه من يخافه فيني
طلعوني بغرفة الملاحظه وقام جسمي يتنافض بشكل مو طبيعي ناديت الممرضه وقلت لها قالت يمكن بردانه وجابتلي بطانيه ثانيه بس جسمي ما هدئ وارتفعت حرارتي ل38 درجه والله خفت وش ارتفاع الحراره المفاجئ راحت الممرضه واعطتني ابره مهدئة اتاريهم معطيني طلق صناعي بالمغذي ولا قالولي الا بعد الولاده والنفضه كانت منه واعطتني مضاد بالوريد علشان الحرارة والحمد لله نزلت الحرارة وطلعوني لغرفتي وجابولي ولدي الساعه 4 الفجر والحمد لله توته توته وخلصت الحتوته
كتبت لكم القصه بالتفصيل الممل لاني ابيكم تعيشون الجو معي والله يسهل لكل حامل ويرزق كل من تبي الحمال انك القادر على ذلك ومليكه
