عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم يافراشات
والله ماني عارفه كيف ابدالكم الموضوع الحال كل ماله يزيد قلة حيا ومسخرة مابعدها مسخره مو لاقيه لها احد يوقفها عند حدها 
انا قاعده اتكلم عن العينات والاشكال اللي قاعده اشوفها في هالمولات والاسواق الله يلطف فينا ويستر على اولادنا وبناتنا ناس ماتخاف الله لاعليها رقيب ولا حسيب ناس همها تلفت الانظار باي طريقه لدرجة ان بعضهم يخلي نفسه مسخره ومضحكه للرايح والجاي سواء في لبسه اوحركاته
وياكثر هالعينات المريضه اللي تشوفينها لو فكرتي تروحي احد المولات
من هذي العينات اللي شفتها
البنات والعبايات اللي طالعينلنا فيها اللي بعضها تقولي جلابية عرس والله لو لابسه جلابيه يمكن استر لها من عبايتها مدري كيف يتحملونها اشوف عبي استغرب موديلاتها كيف تفصلت ذي قطعه جايه من قدام وقطعه ورا وماسكها بروش يلمع تشوفين لمعته من بعد كيلو والله اللي صممها تعب مسكين مانام ليل ولانهار
ولا اللي تجي طبقتين طبقه تحت مشجرة وفوقها اظن شيفون اسود انا اول مرة شفتها احسب الحرمه لابسه كرته ان كان تعرفونها اظن بنات الجنوب يعرفونها وفوقها عبايه خفيفه خخخخخ
ولا الكم لون او مشجره وباقي العبايه سوداء تقولين لابسه مريول
انا مرة شفت وحدة في السوق اقول لاختي شوفي الحرمه لابسه تنورة وبلوزة على الطرحه بدون عبايه على بالي وحدة جايه من برى حاجه ولامعتمرة اختي ضحكت علي قالت اشفيك هذي عبايه النص اللي قوق لون واللي تحت لون وانا اللي على بالي بلوزة رصاصي وتنورة سوداء كنها من بنات الكليه النظاميات
قولي هذي هاه ماشي حالها لكن في عبي تجيك مخصرة من فوق وتحت واسعه كنه فستان حمل وتتمخطر ياارض انهدي ماعليك قدي مدري المثل صح ولا لا والغنم وراها شافوا ذيك العبايه وذيك اللثمه قالوا بس ملاك يمشي على الارض مايدرون لو كشفت كان يقولون ليتك قعدتي متغطيه
زي وحدة شفتها مرة لما دخلت دورات المياه الله يكرمكم اتوضأ للمغرب وكان الحمام مليان حريم وبنات اللي همها تتوضا وتلحق على الصلاة واللي كل همها تشيك على الميك اب والطاسه اللي فوق رآسها لايكون مالت ولا شي الله لايشغلنا الا في طاعته
المهم الا وذيك البنت اللي لفتت نظري وانا انتظر احد الحمامات يفضى قاعده تلطخ تلطخ بالماسكرا في ذيك الرموش لوتتكلم كان قالت ارحميني ولا الكحل الاسود اللي تدعك به عيونها اللين ماعاد بقي شي
في القلم وترنرن بعيونها 
عشان نجلس من قوة الزحمه اللي في المطاعم والجلسات ونتلفت يمين وشمال من خلص ونجلس مكانه بنموووووووووت جوع الا لفت نظري وحده جالسه كانها صاحبة السمو تلون اظافرها بالمناكير
على هذا الحال
مااقول الا الله يسامح اللي منع الهيئه تتدخل هذي الاماكن كان ريحتنا من هذي المناظر المقززة
معليش قرقرت كثير بس والله من قهري 😆 hy:
وسامحوني ان كان في شي ماعجبكم
