عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا بنات كيفكم
حدخل في الموضوع علطول 🙁
راح احكيلكم باللي صار في غرفتي انا واختي
وانتو قولو ايش اللي قاعد يصير
قبل فتره تقريبا في اجازة الصيف كانو اهلي مسافرين وماكان في البيت غيري انا وخوالي
المهم كنت جالسه في الغرفة وفاتحة اللاب توب شوية طاحت دودة مررره صغيره لما رفعت راسي
الاقي فوقي عدد هائل منها حقلكم كيف شكلها
تعرفو النمل اللي يطير ؟؟ زيها بالضبط بس لونها ابيض تجلس تطير بعدين كلها تطيح في الأرض
وتصير تمشي عادي زي النمل بس ماتقرص ولا اي شئ
الشئ الغريب انها بس في غرفتنا يعني البيت كلو مافي وربي ان حدها باب الغرفة ماتطلع ولا حبه برا الغرفه 😈 لا والمشكلة مانعرف من وين تطلع فجأة شباك الغرفة ابدا مانفتحو
يعني نكون جالسين فجأة نحسها فوقنا تطير ووالله مجرد ما اشغل سورة البقره كلها تطيح في الأرض وبعضها تعيش وبعضها تموت
المهم جلس الحال الين قبل رمضان بيوم واختفو كانو يطلعو في اليوم مرتين واحيانا ثلاثة وطووول فترة رمضان ماطلعو ولا في العيد ماطلعو ابدا
بس اليوم العصر اختي كانت نايمة وصحيت مفجوعه منهم رحت شغلت البقره ونفس الشئ طاحو وبعضهم ماتو
والشئ اللي بجد بجد حيجنني تخيلو بعد ماماتو وكنسناهم جيت انظف التسريحة لقيت 3 حبات جوة عطري وربي زيما اقلكم ما ابالغ انتو تعرفو قزازة العطر فتحتها صغيره كيف يعني بالله كيف دخلو؟ 😆 🙄
تتوقعو ايش هذا الشئ اللي يجي؟
احنا دحين قررنا ننقل من البيت وكثير قالو لنا اذا نقلتو لا تاخدو عفش الغرفة رغم انها جديده لسه ماكملت سنة 🙁
عن جد حاجة غريبة اليوم اختي تقلي لو ايش ماننام فيها تقول تخيلي يطلعو في الليل واحنا نايمين 😛
الله يستر 🙁
