ابي زوجي يتزوج علي وافتك من هالعيشة

اولا بسم الله طبعا كلكم مستغربين ليش ابي زوجي يتزوج وخلوني اقولكم قصة حياتي انا احب زوجي وبموووت عليه وهو بعد يموووت علي صار لنا متزوجين 5 سنين للحين ربي ماكتب لي عيال والسبب من زوجي عنده ضعف المهم هو وحيد امه وابوه متوفي وهو اللي مسئول عن اهله انا طفشت من هالعيشة البيت عندنا مايفضى ابدا والله كل من هب ودب يدخل ولا كمان يباتون عندنابالاول اول ماتزوجت كانوا شباب دايم عندنا عمام زوجي واولاد عمه تصدقون من اول مايجون من المدرسةعالطول عندنا ويتغدون عندنا ويقيلون بالليل يروحون لأهلهم طبعا انا طفشت وقلت خلاص لازم اتغطى منهم وتغطيت والحمدالله معاد يدخلون عندنا بس الحين جا دور اولاد العم البقية الصغار قريب ويصيرون مراهقين وغير كذا جدته عندنا دايم يوميا واقاربه الخالة العمة شبه يومي عندنا والاغلب يباتون عندنا المهم انا طفشت البيت كله صاير بزارين وشباب وجلسة حريم وسهرات صرت ماأخذ راحتي حتى بأكلي وجلستي ولبسي وكل شي دايم لابسة تنانير طويلة وبلايز طويلة حتى زوجي طفشني يقولي غيري والبسي جلابيات قلت له ماعندي راح يفتح الدولاب ويطلع لي جلابيات ويقول يالله البسيه طبعا صارت مشاكل عاللبس وهو خلاص غسل ايديه مني مااطيعه وصرت اتعمد البس بناطيل وبلايز كت واحيانا عاري ابيه يحس اني ابي اخذ راحتي في بيتي بس صار يطالعلي بحقار ة واستهزاء انا تعبت منه ورجعت البس ساتر صارت مشاكل عشان ابي اطلع ببيت بروحي وقلت لو جناح غرفتين ومطبخ مو راضي قالي هذي عيشتي تبينه ولا الله يستر عليك يقول مستحيل اترك امي قلت ياليت بالبيت مافي الا امك الا مجمع لي كل اقاربك عندي لو انا وامك بس بالبيت والله اتحمل عالأقل هذول اللي مبلطين عندنا يجون مرة بالأسبوع مو كل يوم قال وش تبيني اسوي اطردهم قلت لا تطردهم ولاشي حطني ببيت بروحي والبيت مراح يفضى عند امك اذا انت خايف تجلس لحالها قال مستحييييل الحين خواته تزوجو ووان شاءالله يحملون ويترسون بيتي كله بزران عاد انا معد اتحمل ابدا فكرت في حل مالقيت الا ان زوجي يتزوج علي ويحط زوجته عند اهله وانا اطلع ببيت بروحي عاد انا قلت له هالكلام وهو فرح في البداية وقال خلاص موافق ولما الحين جا وقت الجد وقلت له يالله اتزوج خلاص كل شي متوفر لك قالي لالالا مستحيل اتزوج عليك واخذ وحدة اغيرك وترضين اني اعاشر وحدة غيرك ومدري شنو يبيني اغار قلت ايه ارضى اهون لي اعيش كذا حياة مافيها خصوصية بحياتي والله يابنات اني احسد كل متزوجة عايشة ببيت لحالها احسدها لما تطلع تتقضى للبيت تأثث على راحتها وكيفها وتعزم اهلها وخالاتها اخوانها ويباتون عندها ايام وتعزم صديقاتها وماخذه حريتها بكل شي انا كل هذا محرومة منه حتى الحين لما اجي اطبخ لازم اطبخ للعايلة المحترمة كلها واقاربهم صرت اكره الطبخ بسبتهم حتى لما اطبخ معجنات و حلى مااتهنى فيه يخلص في دقيقة ولا بعد يقولون علي بخيلة ماأكثر بعد لهم وجه يتشرطون الله المستعان بس ..

وشرايكم اصر انه يتزوج لا تقولون لي اتطلقي مستحيل اتطلق اذا تطلقت مابيجيني غير شايب ولا متزوج ارحملي زوجي عشت معاه حياتي وانا لحالي والحين من كيفي ابيه يتزوج اشرايكم اقنعه واصر ع رايي خايفة اندم والله مدري ايش اقولكم بالله ردوا علي وبردو خاطري بكلمة منكم ..