عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا ياأغلى فراشات
بنات بغيت اسأل عن شي وابي اشوف ارآئكم<<;)
ابي اعرف كل شي يصير بينك وبين زوجك من مشاكل نقاشات اشياء حلو او مره تقولينها لاهلك وخواتك!! ولا فيه حدود!! لان انا بصراحه في بداية زواجي كنت اقول وشوي شوي حسيت ان خواتي حاسديني او يعايروني فقررت اني مااتكلم عن حياتي الخاصه ابدااا؟؟؟ بس هذا الشي منرفزني ودي اقول لخواتي بس يقهروني..بعطيكم مثال عشان تفهمون قصدي…
مرره طلبت من زوجي فلووس عشان اشتري اغراض للجامعه وطلبته مبلغ معين وقلت لخواتي اني طلبت هذا المبلغ قالوا زين حلو بس بعد فتره صاروا يقولون ان انتي زوجك عنده فلوس ويعطيك ومدري ايش ومايقصر ومن هالكلام وانا ماحب كذا والله اخاف على نفسي 😡
وفيه موقف ثاني مره زوجي زعل مني وطلع وخلاني لحالي في البيت وقلت لوحده من خواتي وقعدت تسب فيه وبعدين راظاني وانا نسيت السالفه بس الى الحين خواتي يقولون هذا هو يوم زعل طلع وخلاك
وانااا ماااحب كذا مابي احد يسبه ولا ابي يحطون في بالهم شي موزين عنه
لان انا حياتي عاديه مو مثاليه يعني يوم حلو ويوم لا….
ادري تفلسفت كثير بس ابي اعرف انتوا ايش تسوون؟؟؟؟كيف علاقتكم مع خواتكم؟؟؟؟؟
