جديده ولا تردوني

كيفكم إن شالله بخيرر

بصراحه انا بهالمنتدى من سنه ونص تقريباا بس بدون تسجيل كنت مطلعه عليكم من بعيد لبعيد ..
بس هالمنتدى اكثر منتدى احبه ..
لانه ماشالله فيه عضوات قمممه بالاحترام والاخلاق والاسلوب الحلو ..

اللي خلاني اشترك ياطويلااات العمر بعد ماشفت هالقسم والابداعات اللي تصير فيه وكثير بنات
كان عندهم مشاااكل بحياتهم الزوجيه وماشالله استفااادو من كلامكم

بدخل في الموضوع بس ارجوووكم بدون ردود جارحه او كلااام ماله داعي اللي عندهاا
كلمه حلووه او نصيحه الله يجزاهااا خير لاني هذا اللي اتأملهم فيكم ..

انا ياحبيباتي متزوجه تقريبا لياا شهرين 😆 🙂
انا كنت متزوجه قبل كذا ومطلقه عمري الحين 25 الله اراد اني اتزوج للمره الثانيه من رجال متزوج
بس زوجته واهله مايدرون بس اخووه الكبير اللي يعرف لاااااااتهاوشوني وتقوولون احسن تستاهلين مايجيك ..

خلوني اكمل لكم ..
اناا بنت قبيله معروفه وبنت اصل وفصل بس اللي خلاني اقبل فيه اسباب كثيره /

اولهاا / انه لماا سألناا عنه طلع انساااان مررره فيه خير ..
الشي الثااني وعد ابووي انه سالفة زواجناا بدون ماهله يدرون مسأله وقت بس بسيطه ويعلمهم
وكااان عذره مقبول إن زوجته تعبانه ويحاول يحترم مشاعرهاا بس اول ماتقوم بالسلامه بيعلن زواجناا
لااهله .. ابووي قالي انتي كبيره وشورك براسك .. استخيري وشوفي وش ربي يكتب لك ..

المهم استخرت وقلبي ارتاااح والحمدالله تملكناا بين زواجي وملكتي كان 3 اسابيع
في هالفتره عطاااااااااني وعود وكلاااام وحلف واقسم اني راح اعيش احلىى عيشه وراح
يعوووضني عن كل تعب بحياتي ..

تزوجته طبعاا كان شرطي إني ابي زواج كل اهلي والناس يعرفون فيه ووافق وسوينا زواج كبيرر وكل الناس حضرت الاا اهم شي اهله لانهم مايدرون 😆 hy:

زواجي كاان قبل رمضاان بـ 5 اياام بس وقالي راح يكون رمضان احلى رمضان يمر بحياتك راح اكون معاااك طووول الوقت

والحمدالله من اول يوم رمضان لماا اخر يوم ماشوفه الاا وين ووين
استغفر الله كان اسوء رمضان مر علي .. القهر إن زوجته ببيت اهلها عشان هي تعبانه يعني
مو ببيته الثاني .. كل مأساله يقولي انا عند امي / ماقدر اخليهاا بروحهاا ومن هالكلام معى إن عنده اخوان يوصلون درزن ماشالله وابوه عايش ..

اقوله طيب واناا تعبت من الجلسه بروحي قالي تحملي بس لما نهاية رمضان
اوعدك بعدهاا راااح تتغير امور كثيره وراااح اسعدك ..

خلص رمضان قبل رمضان بيووم ترجيته نسافر
وافق وسافرناا اول يوم العيد وجلسناا خمس اياام ورجعناا
وندمت بلحظه اني قلت له ابي اسافر بس انحسبت علي
سفره وماقدر اتكلم ..

من رجعنااا ورجع دوامه ماعااد اشوفه الاا وقت النوم بس يجي يتكي شوي وينوم وطول الوقت
بالحالي بالبيت ..

ادري بتقولون انتي ماخذته وهو متزوج يعني طبيعي بيكون كذا غير ان اهله مايدرون ..
بس هوو قالي ووعدني انه اغلب الوقت راح يكون عندي بالذات الوقت الحالي .. لانه ماعنده
اي ارتباطات ..

وحتى مره سألته فترة الملكه قلت لو اهلك لاحظو غيابك وش بتقول
قال انا رجاااال محد يسألني ..

الحين صار كل كلمه والثاني اخاااف يدرون اني تزوجت اخاف مدري وشو ..
لدرجة مررره فهمت من كلامه انه مابخاطره يعلم اهله انه متزوج .. كثير يلمح لي هالموضوع ..

تعبببت مرررره منه .. اشياا ومواقف كثيره حسيت منهاا انه ضحك علي او بالمعنى الصحيح
كذذذب علي ..

يغييييب عن البيت 7 او 10 ساعات وانا بالحالي مايدق ولا يرسل حتى مسج عشان يطمن علي ..

اول مايدخل البيت حممممل وديع وانواع الكلام الحلوو بس مستحيل يعتذر او يعترف
انه مسوي شي .. وإن زعلت يقولي انتي تظلميني حراام عليك … وربي يقهرني انسان مره عديمم الاحساس .. حتى شقتي اغلبهاا فاضي ماكملناا شي فيهاا ويقولي انتي تشوفين مشغوول دايم
اقوله نفسي اكون من اولوياتك احس اني مهمه عندك لكن
قد اسمعت لو ناديت حياا .. لكن لاحياة لمن تنادي

تكلمت معاااه كثير بكييييت كثير ترجيته كثير لو مسج احس انك خايف علي او تطمن علي وانت بعيد ..
يتأثر وهو عندي بس مجرد مايطلع ينسى كل كلااامي ..

اناا مو ناقصني شي الحمدالله مو مدح لنفسي بس والله بشهادة الجميع جمال وذوق ونظافه بكل شي

هو طيب جداً وحنون بس ماحس اني متزوجه ابد تواجده اقل من القليل ومجرد انه يطلع من الباب ينساني
مايحاول يفتكرني حتى لو بمسج .. وانا والله احبببه اي شي بسيط منه راح يسعدني وقلت له هالكلام
قلت له مره مسج فاضي يعجبني منك .. قام لماا طلع برا ارسل لي مسج وكتب فيه (( مسج فاضي )) حسيت انه يستسخفني ..

وش السووواه تكفون .. وربي شهرين بس كأنهاا سنتين احس من داخلي انه خدعني وكل ماتذكر كلامه ايام الملكه اجلس ابكي من القهر ..