عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
في البدايه اتمنى ان لااجد ردود تجرح لان الي فيني كافيني
انا اكتب وانا مجروحه بقوه
قبل اسبوع كان زوجي واعدني يوديني لااهلي 15يوم
المهم كان يترجاني ماأروح يقول ماأطيق بيت اهلي بعدك
وانا شفت زوجي يترجاني كبر راسي وقلت انا من زمان ماشفت اهلي وبشوفهم
قال طيب روحي 3 ايام وارجعي
قلت لا اسبوعين لاني مشتاقه لااهلي موت
المهم قال اجل لاتدقين علي ولاترسلين لي رسايل حب
لانك لو تبيني ماتركتيني
انا سكتت واصلا صرت مااطيق اهله لانهم يحسبوني خدامه <<سالفه ثانيه
المهم
لما جيت اهلي تعبت مره وكليتي تعورني دقيت عليه
ابيه يوديني المستشفى والا يرسل لي فلوس
للمعلوميه ديرة اهلي تبعد عن ديرة اهل زوجي 200كيلو يعني ساعتين
وأدق لقيت جهازه مغلق
صرت ادق اربع ايام وكلها مغلق
وزاد الالم ووداني ابوي الله يطول بعمره للمستشفى
طلعت حصوه بالكليه
خليته لان خلصت فلوسي والا ودي اسوي العمليه
المهم قلقت عليه جدا
واليوم سيرو علينا ابوه وزوجة ابوه
سئلتني زوجة ابوه قالت رجع زوجك
انا انصدمت قلت من وين رجع
قالت مسافر برى
قلت وين
قالت مدري بس مسافر مع اصدقاه
انا انصدمت رحت سئلت ابوه قال مدري
ماعلم احد بس قال لامه تراني برجع الخميس
انا انصدمت شلون يسافر ولا يعلمني
احنا نحب بعض ولابيينا مشاكل
ليش يسوي كذا
انصدمت يابنات مره حطو نفسكم مكاني
لا ومين الي علمني زوجة ابوه
قمة القهر
انا خلاص مقفله معي وماراح اعديها له
المشكله زوجي عصبي وعنيد
وموعدي الخميس يجي ياخذني
تخيلو يابنات دايم يقول مامعي فلوس
شلون سافر ..طلعت فلوسه النذل
خطتي
انا مفكره اقوله تسلفت من اخوي وسويت العمليه بـ3000
واخليه يطلع 3000 الالف من ورى خشمه
وبجلس عند اهلي زياده وبقول العمليه تعورني وبقفل جوالي مثل
ماقفل جواله يمكن يحس على وجهه
وانتظر حلولكم ومساعدتكم لي
شرايكم
