عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الـ سلام عليكـم ..
مساكــم الله بالخير ياوجيه الخير
احترت فين انزل موضوعي .. بس في النهايه اخترت انزله في قسسسم آضمن فيه توآجد الحريم المتزوجــآت السنعــآت لانهم آكثر خبرهـ في مجــآل إستقبال الضيووف والكلام الحلــو .. ولا يهونوأ البنوتات ..
انا بنوته على باب الزواج .. وجالسه اجهز نفسي معنــوياً .. وآدور النواقص فيني وآحاول اكملها
تنقصني الذرابه في الكلام وسرعة الرد واللباقه ..
قريت موضوع وفادني كثير في احد المنتديات
لجمل او مصطلحآت معروفه عندنا بالخليج وخــآصه السعوديه وكيف لو احد قالك هي تردي
بصراحه استفد من الموضوع
وهذآ اقتباس منه
كلمَآتْ تقُولِينهآ إذَا أحدْ قآلكْ مثلْ الكلامْ هَذا ….
•يعنِي مَثلاً لمّا ترُوحِي لنَآسْ ويقدمُونْ لكْ بخُورْ تقُولِي [ طَيبَ الله فَالِكْ وَخَلا لِكْ أَحبَابِك ] ..
• لمّا تزُورِينْ أحَدْ وجيتِي بِتَطلعِينْ وقَالُوا لكْ لِسَى بَدرِي تردِينْ وتقُولِينْ [ الجَلسَه مَعكُم مَاتنمَل والله يجمَعنَا فِي جَنّات النَعِيمْ ] ..
• فِي الزوَاجْ لمَّا تقُولِكْ عُقبَالكْ تردِينْ وتقُولِينْ [ تِسلَمينْ ] , مُو آمينْ ..
بنت عمي الخبله كآنت تقووول آمين >>> يآآآآربيه فششششششله
• حلُو لمّا تكثرِي مِنَ الدُعَاء للِي إنتِي زَايرتهُم مِثلْ [ أنعَمَ الله عليكُم وَكثّر الله خِيركُم ] ..
• لَمّا أحدْ يِجيْب لِك مُويَه تقُولِينْ له [ يَاربْ يسقِيكْ مِنْ حَوضْ النَبِي ] ..
• لَمّا أحدْ يِنآدِيكْ تردِينْ بكلمَة [ سَمِي ] صعبَة تقُولِينْ لجدَتِك وَالا وَحدَة بسنّها ” هلا ” ..
• مُو حلُو تعلِينْ صُوتِك أَو ضحكتِكْ عِندَ النَآسْ خذِي رَآحتِك بَسْ بدُونْ مَا يعلَى صُوتِك ..
• حلُو إنّك تكُونِي [ مُستمعه ] أكثرْ مِنْ كَونكِ [ مُتحدِثَه ] ..
• لَو عَزمتِي أَحدْ وَقالْ لِك ” سفرة دايمة ” أَو ” أكرمكُم الله ” أَو ” أنعَمَ الله عليكُم “
[ مُمكِنْ لَو إنتِ مَعزُومَة تقُولينْ الجُمَل هَذِي بَعد الأكلْ ] لَو احدْ قَالها لكْ .. تقُولِينْ لُه [ صحتِينْ ] أَو [ حيّاك الله ] أَو [ صِحّة وَعافيَة ] …• أشخَاص أَولْ مَرّة تقَابلينهُم وَإنبَسطِتي مَعهُم تقُولِينْ [ سَعِيدَة بمعرفتِك ] أَو [ فُرصَة سَعِيدَة ] ولَو أَحدْ قَالهَا لِك تردِينْ [ أنَا أَسعَد ] ..
إنْ شاء الله يكون الموضوع هذا دَليل مُفِيد ل الكل…..
وفيه آشيآء مآكنت أعرف أرد علييهآ وموآقف مدري وش أقول فيهآ فحبيت آنكم تستفيدون ويفيدوونــآ البنات
آفتكر مره وحده قالت لي عااش من شافك ماعرف اش اقول بعدين اختي هزئتني قالت غبيه قوليلها عااشت ايامك 😉
وهذه مقتبسه من بعض البنات الخبلات اللي زيي
اذكر من زمان لما كنت صغيره كنت اول مره احظر عزا
والناس لما يمرون يسلمون علينا كنت واقفه معهم بالصفه من ملاحتي لما يقولون لي عظم الله اجرك احرك شفايفي كني اقول شي وانا اصلا مدري وش ارد عليهم 😡
خخخخخخ تحزن 😆
وهذه كمان
مره رحت عند صديقتي و قالت لي امها انو هذا مو قدرك انتي قدرك ذبيحه << شوفي وجهي وقتها ,, ما عرفت شقول قمت قلت شكرن ➡
وأي وحدَه عندُهآ إضَآفَه تعلمنَآ عليهآ عشآن نستفيد ..
يلا يابنــآت والله انا وغيري بحــآجه لخبرآتكــم
