((قصة ولادتي ))

السلام عليكم يااحلى فراشات اشتقت لكم والله والسموحة طولت الغيبة لاني الحين مشغولة مع البيبي وصياحه والله يعين
المهم ببدأ بالقصة العجيبة ………
طبعا انا حملي كمل التسع شهور وزيادة يعني دخلت العااااااشر وقعدت 9 ايااام وطول فترة العاشر وانا فحالة نفسية متحطمة ومكتئبة وماخليت وصفة اللا جربتها وسألت الحريم:P واللي تقول اشربي كذا وكذا يعني يتفلسفوا …المهم كان موعد ولادتي 2|4 ورحت الدكتورة 3|4 يعني ثاني يوم وشيكت علي وقالت الرحم مفتوح 3سم وقالت امشي ساعتين فالمستشفى ومشيت ساعتين تقريبا وانا حاطة فبالي انه بيكون فتح ولو سانتي زيادة وشيكت وقالت لسى مثل ماهو 3سم وتحطمت امالي وقالت احسن ردي البيت واذا في شي جديد تعالي ورجعت وانا شايلة حزن الدنيا فوق راسي لاني على بالي ولادتي اليوم المهم رجعت وصرت كل يوم اكثف فالمشي واشرب كم من وصفة ومااحس باي الم او افرازات ثقيلة وهذا اللي كان محيرني ومرت هالتسع ايام وانا خلاص حدي بنفجر من الملل والطفش قلت يلا يابنت روحي الدكتورة وشيكي يمكن في تتطورات وكان يوم الجمعة 11|4 العصر ورحت وانا طول الطريق ادعي ان ربي يعجل ولاتي وتصير اليوم ودخلت للدكتورة وانا قلبي بين رجلي اخاف تجيني خيبة امل مرة ثانية وبدات الدكتورة تشيك وشفتها تبتسم وقالت لي ماشاء الله الرحم 5 سم مفتوح وموية الجنين نازلة يعني ولادة وكانت معاي حرمة اخوي وطالعتها وبديت ادمع دموع الفرحة ➡ اني اخيرا بشوف ولدي حبيبي وطلعت الدكتورة وجات الممرضة وقالت شو رايك تمشين شوي وبعدين ترجعي ومشيت ساعة ورديت وظل مفتوح نفس الشي وجات الدكتورة وفكت موية الجنين وحسيت هذيك الساعة بشي دافي وغزير وبدأ الخوف فيني وطبعا انا كنت عند اهلي وماخبرت زوجي بشي وقلت بخبره بعد مايعطوني الطلق الصناعي لان الطلق عندي مرة خفيف وماينفع للولادة المهم دقيت على زوجي وخبرته وقالتي لاتخليهم يعطونج طلق وقلت له لازم خلاص لان الموية نزلت وجابت ابرة الطلق وحطتها فالمغذي وماكنت حاسة بالم قوي عادني وعطتني الاكسجين وقالت اذا حسيتي بالم حطيه وجات بعدين امي وزوجي وشفتهم وبكيت وبدأ على شوي شوي الالم وبدأت الدموع تنزل بروحها وقعدت اشفط فالاكسجين وامي تشيله عني تبا الطلق يقوى ويشتد واولد وافتك لان الاكسجين يخمد الطلق وانا مو راضيه افكه وابكي واقول لامي الله يخليج خليه وجات الممرضة وشيكت ولقته 6سم وزاد الالم وانا خلاص احس اني بنفجر من الالم وزوجي مرتبك يطل علي شوية ويطلع ويمسح على راسي شوي وبعد ساعة من العذاب المتواصل جات الممرضة وشيكت وقالت لسى 6سم وانا خلاص نفسيتي انهارت كل هالعذاب ولسى مثل ماهو وجات بعدها بدقيقة الدكتورة وشيكت وقالت مو 6سم صار 8سم وقعدت توبخ الممرضة وتعلمها علي دروس القياس اللع المستعان استويت حقل تجاارب وجات دكتورتين و4 ممرضات لان ساعة الجد وصلت ويقولون لي شدي وانا يحليلي اشد ويقولون اني اشد لفوق يعني غلط قلت لهم هذا اللي عندي وااقدر على غير كذا وقالو ماينغع لازم تشدي صح وانا من شدت الام قعدت اقول كلام من غير وعي كنت اقول لهم انتوا مو حاسين فيني انتوا ماتحسون ((عطينهم دروس فالاحاسيس)) وبعدين الا اسمع لكم صوت وحده عدالي فالغرفة الثانية تتطلق وصوتها كان قوي مرة لدرجة ماتتخيلونها وطالعت زوجي وقوله شو هذا وزاد الخوف فيني وطلعت لكم صرخة محترمة و الله من الخوف وزوجي يقول ماعليك منها انتي اقوى وقالت الدكتورة كذا ماينفع الجنين بدا يتعب وضربات قلبة تدق بزيادة وانا خفت وبديت اشد اكثر وانا فحاله لايعلم فيها الا الله كنت اشوف المووووت
المهم الدكتورة قالت لازم الملاقط لان الشد مش نافع مرة عشان يطلع الراس وجابت الملاقط والمقص وبدات تشق وتدخل الملاقط عشان الراس وانا يوم شفت العدة دوخت ❗ ومادريت الا والبيبي على صدري وحسيت بشعور دافي مافي احسن منه والله وطالعته فديته مااحلاه قمر ماشاء الله وشلوه بعدين يلبسونه وبدأ الشغل الصح بدأ الدكتورة تخيط وانا ابكي اقول شو هالحالة لسى ماخلصنا والدكتورة تقولي يلا خلاص الحين بنخلص وخيطت لي خياطتين داخلية وخارجية والالم قوي وللان الخياطة تالمني ولله الحمد
وهذي كانت قصة ولاتي وان شاء الله يسهل لجميع الحوامل يارب
واشكر كل بنات التجمع اللي كانوا يبادلوني خبراتهم والله يوفق الجميع