مسحـــور..معيـــون…سحر ينفر الخطاب مني..اكيد قرايبي مسوينه لي…شرايكم؟

اذا وحده ماتوفقت بزواجها قالوا عين
اذا واحد تخرج بمعدل كويس ماحصل وظيفه قالو عين
اذا واحد مرض قالو عين
اذا اذا اذا
الواحد ماينكر العين وانها حق وتكلم عنها رسولنا الكريم
لكن بهالطريقه صاريترتب عليها اشياء كثيره
اولا محيتو شئ اسمه القضاء والقدر وكان جميييييع قضاء الله انه لازم الشر يكون بسبب عين
ثانيا صارت تخلينا نغفل عن اخطائنا وعيوبنا
يعني مثلا وحده زوجها تغير فجاه وصار مايطيق البيت ولاجلستها ولايشوفها
على طووووووول عين او سحر اواواو قليل الي تقول لا يمكن الغلط مني يمكن انا السبب وتبدى ترسم ببالها مين الي عطاني هالعين لافلانه لاعلانه

يمكن الغلط منك انتي من يدخل مكشره ومن يتكلم تنتقدينه ومن يسولف تصدينه ومن يمزح تقومين عنه وبعد هذا كله ماتبينه ينفر منك
ثالثا فيه بعض الحالات الي يتغير فيها الانسان يبدى يسوي تصرفات غريبه يشتكون اهله من عدوانيته المفاجئه قالو عين ولاسحر فيه شئ اسمه مرض نفسي واشكال وانواع منه وله اعراض

كم من مشكله اقراها اعراضها مرض نفسي لكن الي يردون يمكن مسحور ولاثانيه تقول شكله عين قويه ولاولاولا
ويخلون حالته بين مسحور ومعيون ونتكس اكثر واكثر
رابعا لماتجي وحده تقول انا اخوي مثلا عدواني ولايعتزل البيت ويعتكف بغرفته قالت روحو اقرو عليه اكيد القران فيه شفاء للناس وكم من حالات وحالات تشافو منه لكن مايمنع ان الاعتماد الكلي عليه والاعتماد على الله اولا واخرا يعني يتطلب بذل الاسباب الثانيه مع هالشئ

خامسا وموضوع الزواج طبيعي كل بنت تحلم ان لها بيت ومستقبل مع زوج صالح واطفال لكن صارت كل وحده الاماندر اذا تاخر نصيبها قالت انا معيونه محسوده او محطوط لي سحر صرف الخطاب طيب ممكن فيه وحده من بين 5 هذا وضعها والباقيات يتوهمون ويدورون الشماعه الي يعلقون سبب تاخر نصيبهم عليها

زياده تروح عند معالجين ينسبون نفسهم للدين وعلى طول يعطيها الكلمه المعروفه فيك عين قويه وتصدق
يعني اقصد تحرو القراء الصادقين مو الدجالين الي يسحبون فلوس من ورى الناس بحجه قراءة القران وتفسيراته للحالات وهو ولاعنده من العلم شئ

لذلك قبل كل شئ وقبل ماتنسبون اموركم لهالاشياء اجلسي بينك وبين نفسك حكمي عقلك وادرسي حياتك وبعدين شوفي الاسباب
والواحد يحافظ على الاذكار ويذكر الله بكل وقت ويعود نفسه على قول ماشاء الله ويوجه همه ودعائه لله يتصدق يحاول يمحي ذنوبه المتراكمه الي تخلي بين دعائنا وامورنا وبين الله حاجز نحسن النيه نتقرب لله هالشئ يثق تمام الثقه ان ربي ماراح يرده
تجي وحده تقول انا احلى من بنات عمي وكلهم تزوجو مع انهم شيون طيب المقسم في السماء والنصيب بيجيك حلوه ولاشينه
ثانيا بالرغم من حلاوتك يمكنك انصرفتي عن التقرب لله بشئ اخر اجابة دعوتك ذنب كلمه بحق احد او ممكن ربي كل مااخر نصيبك جاك الي فعلا يختاره لك رب لعباد

كلامي كثييييير ومكركب بس لاني قريت وقريت وشفت ان اغلب الناس هذا حالهم نفس مضمون موضوعي وهذا مو معناه ان فيه ناس ربي يفرجها عليهم نهائيا ماانكر لكن اتمنى ان الواحد يتروى قبل لايعطي النتائج