حامل بالحقن المجهري وابي مساعده

بنات بغيت منكم تفيدوني بشغله مهمه الله لا يهينكم لاني صج مليت من التفكير والمحاتاة 😐

انا الشهر اللى طاف سويت عمليه حقن مجهري وطلعت النتيجه بعد اسبوعين بتاريخ 2 اغسطس والحمدلله

طلعت النتيجه ايجابيه وفرحت وايد واستانست انا وزوجي :d7: لان صارلي ست سنين متزوجة والله ما

رزقني بالذريه …المهم ان من طلعت النتيجه لي اليوم وانا ما احس بأي اعرااااااض كلش من اعراض

النساة أو الوحام … ادري ان تو الناس على هالاعراض بس مو معقوله ما احس في ولا شي من

اعراض او تغيير بجسمي او حتى دوخة او اى شي خصوصا ان النساة وراثه في عايلتنا

وانا خايفه ان يكون صار حمل وبعدين لا سمح الله صار شي او ما كتمل الحمل … والدكتور معطيني

موعد 23 اغسطس عشان السونار ومااااااافيني صبر كلش انطر…برايكم اراجع دكتور ثاني عشان

اتطمن ولا انطر احسن ؟؟؟